బాలీవుడ్ నుండి చాలా మంది భామల టాలీవుడ్ కు దిగుమతి అయ్యారు. ఇక్కడ పేరు తెచ్చుకొని అక్కడ టాప్ హీరోయిన్స్ తో పోటీపడి మరి రానిస్తున్నారు. ఇప్పుడు అదే దారిలో సాయి మంజురేకర్ అడుగులు వేస్తుంది. సల్మాన్ ఖాన్ దబాంగ్ 3 సినిమాతో హీరోయిన్ గా ఎంట్రీ ఇచ్చింది. కానీ ఈ చిత్రంలో ఈమె కు ఫుల్ లేన్త్ రోల్ దొరకలేదు.
ప్రస్తుతం టాలీవుడ్ లో మహేశ్ బాబు నిర్మాతగా మేజర్ సినిమాలో నటిస్తుంది. 26/11 ముంబయి ఉగ్రదాడిలో వీరమరణం పొందిన సందీప్ ఉన్ని కృష్ణన్ బయోపిక్ లో అడివిశేష్ కు జంటగా నటిస్తుంది. ఈ నేపథ్యంలోనే మెగా హీరో వరుణ్ తేజ్ గని సినిమాలో హీరోయిన్ గా నటిస్తుంది. ఈ చిత్రానికి కిరణ్ కొర్రపాటి దర్శకత్వం వహిస్తున్నాడు. కీలక పాత్రలో కన్నడ నటుడు ఉపేంద్ర, బాలీవుడ్ హీరో సునీల్ శెట్టి లు నటిస్తున్నారు. మరో ముఖ్య పాత్రలో నవీన్ చంద్ర నటిస్తున్నాడు.
ఫిల్మ్ నగర్ సర్కిల్ నుండి కొన్ని వార్తలు సాయి మంజురేకర్ చెవిలో పడ్డాయి అంట అది ఏమిటి అంటే కొరటాల శివ, అల్లు అర్జున్ కాంబినేషన్ లో ఓ చిత్రం త్వరలో రూపొందనున్నది. ఈ చిత్రంలో హీరోయిన్ గా సాయి మంజురేకర్ ను తీసుకోవాలనే ఆలోచనలో ఉన్నారు అంట. ఈ విషయం తెలిసినప్పటి నుండి అమ్మడి ఆనందానికి హద్దులు లేకుండా పోయింది.
ఇటీవల అల్లు అర్జున్ నటించిన అల వైకుంటపురంలో చిత్రం ఈ అమ్మడు చూసినట్లుగా గుసగుసలు వినపడుతున్నాయి. ప్రస్తుతం అల్లు అర్జున్, సుకుమార్ దర్శకత్వంలో పుష్ప అనే చిత్రంలో నటిస్తున్నాడు. కొరటాల శివ, చిరంజీవి ఆచార్య చిత్రంతో బిజీగా ఉన్నాడు. వీరి కాంబినేషన్ లో సినిమా సెట్స్ పైకి వెళ్లడానికి మరికొంత సమయం పట్టేలాగా ఉంది.