సినిమాలకు ధీటుగా వెబ్ సిరీస్ లు వస్తున్నాయి. మంచి కంటెంట్ తో రావడంతో ప్రేక్షకులు బాగా అదరిస్తున్నారు. ఇప్పుడు ఉన్న ఓ‌టి‌టి లు వెబ్ సిరీస్ లవైపు మొగ్గుచూపుతున్నాయి. పెద్ద పెద్ద ఓ‌టి‌టి సంస్థలు లైక్ నెట్ ఫ్లిక్స్ ,అమెజాన్ వంటి సంస్థలు వారే వెబ్ సిరీస్ లను నిర్మించడానికి రెడీ అవ్వుతున్నారు. సామాన్య సినిమా ప్రేక్షకుడి నుండి క్లాస్ ప్రేక్షకుల వరకు తక్కువ ధరకే అమెజాన్, ఆహా, జీ 5 వంటి సంస్థలు తమ సబ్ స్క్రిప్షన్స్ ను అందిస్తున్నాయి.
ఇప్పటికే అమెజాన్ లో వచ్చిన వెబ్ సిరీస్ లు ఆకట్టుకున్నాయి. మీర్జాపూర్ ఫస్ట్ అండ్ సెకండ్ సిరీస్ లకు విపరీతమైన క్రేజ్ వచ్చింది. అలాగే ది ఫ్యామిలీ మ్యాన్ వెబ్ సిరీస్ మొదటి పార్ట్ సక్సెస్ అవ్వడంతో మరల సెకండ్ సిరీస్ తో రాబోతుంది. ది ఫ్యామిలీ మ్యాన్ 2 వెబ్ సిరీస్ షూటింగ్ పూర్తి చేసుకొని విడుదలకు సిద్దంగా ఉంది. ఈ వెబ్ సిరీస్ కు రాజ్ మరియు డి‌కే లు దర్శకత్వం వహించారు. మనోజ్ బాజ్ పాయ్ ప్రధాన పాత్రలో నటించాడు. ప్రియమణి, కిషోర్ కుమార్ జి. శరద్ కేల్కర్ తదితరులు నటించారు.
ఈ వెబ్ సిరీస్ లోని కీలక పాత్రలో అక్కినేని సమంత నటించింది. ఈమె టెర్రరిస్ట్ గా కనిపించనున్నది. సమంత బర్త్ డే సందర్భంగా ఆమెకు రాజ్, డి‌కే లు విషేస్ తెలుపుతూ షూటింగ్ లొకేషన్ లోని ఓ ఫోటోను షేర్ చేశారు. ఆ ఫోటోలో సమంత డీ గ్లామర్ గా కనిపిస్తుంది. టెర్రరిస్ట్ లుక్ తో సమంత ఆకట్టుకుంటుంది. ఈ వెబ్ సిరీస్ ద్వారా బాలీవుడ్ లోకి ఎంట్రీ ఇవ్వాలని సమంత ట్రై చేస్తుంది. ది ఫ్యామిలీ మ్యాన్ 2 వెబ్ సిరీస్ వచ్చే నెలలో అమెజాన్ ప్రైమ్ లో విడుదల అవ్వుతుంది.
