ప్రభాస్ .. ఓంరావ‌త్ డైరెక్ష‌న్ లో ఆదిపురుష్ చిత్రాన్ని చేస్తున్న సంగ‌తి తెలిసిందే. ప్రభాస్ రాముడిగా క‌నిపించ‌నుండ‌గా..సైఫ్ అలీఖాన్ లంకేశ్ పాత్ర‌లో క‌నువిందు చేయ‌నున్నారు. ఈ సినిమా భారతీయ పురాణం, ఇతిహాసమైన రామాయణం ఆధారంగా తెరకెక్కబోతుంది. ప్రస్తుతం డైరెక్టర్ వీఎఫ్ఎక్స్ వర్క్ ఫై ఫోకస్ పెట్టినట్లు తెలుస్తుంది. ఈ సినిమాలో వీఎఫ్ఎక్స్ వర్క్ ఎక్కువగా కాబట్టి.. ముందుగా వీఎఫ్ఎక్స్ వర్క్ ను మొదలు పెట్టనున్నారు. ప్రపంచ ప్రసిద్ది గాంచిన రెండు ప్రముఖ వీఎఫ్ఎక్స్ కంపెనీలు ఆదిపురుష్ కోసం ఇప్పటికే పనులు మొదలు పెట్టాయని తెలుస్తుంది. ఈ సినిమాకు ఖర్చు చేసే బడ్జెట్ లో ఎక్కువ శాతం వీఎఫ్ఎక్స్ కు ఉపయోగించనున్నారని సమాచారం.
అయితే ఈ సినిమా ఇప్పట్లో మొదలయ్యేలా కనిపించడంలేదు. ప్రస్తుతం ప్రభాస్ రాధాకృష్ణ దర్శకత్వంలో ‘రాధేశ్యామ్’ సినిమా చేస్తున్నాడు. ఈ సినిమా షూటింగ్ ఇటీవలే పూర్తయిందని తెలుస్తుంది. ఈ సినిమా తర్వాత నాగ్ అశ్విన్ సినిమా చేస్తున్నాడు, ఆ సినిమా తర్వాత కేజీఎఫ్ దర్శకుడు ప్రశాంత్ నీల్ దర్శకత్వంలో ‘సలార్’ అనే సినిమా చేస్తున్నాడు. ఈ సినిమాలన్నింటి తరవాత ఆదిపురుష్ లో నటిస్తాడని అంటున్నారు.