కొత్త కొత్త నటులు.. చిన్న చిన్న సినిమాల్లో నటిస్తూ… తమ టాలెంట్ ను ప్రూవ్ చేసుకుంటున్నారు. అందులో ఒకరే రాహుల్ రామకృష్ణ. టాలీవుడ్ లో అతిచిన్న సినిమాగా వచ్చిన అర్జున్ రెడ్డి సినిమాలో హీరో విజయ్ దేవరకొండ స్నేహితుడిగా నటించి తనని తాను ప్రూవ్ చేసుకున్నాడు.
ఆ తర్వాత చాలా సినిమాల్లో నటించి మంచి గుర్తింపు తెచ్చుకున్న రాహుల్ రామకృష్ణ పలు షాకింగ్ కామెంట్లు చేశారు. ఇక ఈ ఏడాది తర్వాత తాను సినిమాల్లో నటించడం ఆపేస్తున్నట్లు సోషల్ మీడియా వేదికగా ప్రకటించాడు. 2022 తర్వాత సినిమాల్లో నటించనని తెలిపాడు.
ఈ విషయం తెలుసుకున్న అభిమానులంతా ఒక్కసారిగా షాక్ కు గురయ్యారు. అసలు రాహుల్ రామకృష్ణ ఇలాంటి పోస్ట్ ఎందుకు పెట్టాడో తెలియట్లేదంటూ కామెంట్లు చేస్తున్నారు. అయితే పలువురు అభిమానులు మాత్రం.. ఇది తన నెక్స్ట్ సినిమాలోని రోల్ కు సంబంధించినది కావొచ్చని అంటున్నారు. ఏది ఏమైనప్పటికీ… ఇప్పుడిప్పుడే ఫేమ్ అవుతున్న రాహుల్ రామకృష్ణ సడెన్ గా ఇలాంటి పోస్ట్ పెట్టడంతో చాలా మంది ఆందోళన చెందుతున్నారు.
నిజంగానే తనకు సినిమాల్లో నటించాలని లేకపోతే.. సినిమాల్లోకి ఎందుకు వచ్చాడని అనకుంటున్నారు. ఇన్నాళ్లు ఎంతో కష్టపడి ఫేం తెచ్చుకున్న రాహుల్.. ఇంత త్వరగా సినీ రంగానికి దూరమవడం అతనికి మంచిది కాదంటూ మరికొందరు అంటున్నారు. మరి రాహుల్ ఎందుకు ఈ పోస్ట్ పెట్టాడో తెలియాల్సి ఉంది.