పవన్ కళ్యాణ్, దర్శకుడు క్రిష్ కాంబినేషన్ లో రూపొందుతున్న చిత్రం హరిహర వీరమల్లు. పీరియాడికల్ నేపథ్యం కలిగిన కథాంశం తో ఈ చిత్రం రాబోతుంది. ఇటీవలే ఈ చిత్రం నుండి ఫస్ట్ గ్లింప్స్ మరియు ఫస్ట్ లుక్ లు సినిమాపై అంచనాలను తీసుకువచ్చాయి. ఈ చిత్రంలో పవన్ కు జోడీగా నిధి అగర్వాల్ నటిస్తుంది. భారీ తారాగణం తో ఈ చిత్రం రూపొందుతుంది. ఈ క్రమంలో మలయాళ నటుడు ఆదిత్య మీనన్ కూడా ఈ చిత్రంలో కీ రోల్ పోషిస్తున్నాడు. ఈ చిత్రం యొక్క షూటింగ్ జరుగుతున్నా సమయంలో ఆయన గాయపడ్డాడు.
ఈ చిత్రంలోని యాక్షన్ సీక్వెన్స్ లో ఆదిత్య మీనన్ హార్స్ రైడింగ్ చేస్తుండగా ఆ సమయంలో బాంబ్ ఎక్స్ ప్లోషన్ చేసినప్పుడు గుర్రం బెదిరి కంట్రోల్ తప్పడంతో కిందపడటం జరిగింది. ఆ సమయంలో ఆదిత్య మీనన్ కు పెద్ద ఎత్తున దెబ్బలు తగిలినట్లుగా సమాచారం. హుటాహుటిన ఆయనను హాస్పిటల్ కు తరలించారు. ఇక తాజా సమాచారం మేరకు ఆయన ఆరోగ్యం నిలకడగానే ఉన్నట్లుగా వైధ్యులు వెల్లడించారు. తమిళ, మలయాళ, కన్నడ, తెలుగు చిత్రాలలో క్యారెక్టర్ ఆర్టిస్ట్ గా మంచి పేరు తెచ్చుకున్నాడు. మిర్చి సినిమాలో ప్రభాస్ కు బాబాయి గా నటించాడు.
అలాగే ప్రభాస్ బిల్లా సినిమాలోనూ నటించాడు. ప్రస్తుతం హరిహర వీరమల్లు యాక్షన్ సీక్వెన్స్ ను పూర్తి చేసుకునట్లుగా దర్శకుడు క్రిష్ చెప్పాడు. ఈ చిత్రానికి ఎం‌ఎం కీరవాణి సంగీతం అందిస్తున్నాడు. ప్రముఖ నిర్మాణ సంస్థ సూర్య మూవీస్ పై ఏ‌ఎం రత్న ఈ చిత్రాని నిర్మిస్తున్నాడు.
