మెగాస్టార్ చిరంజీవి 153వ చిత్రంగా కొరటాల శివ దర్శకత్వంలో నటిస్తున్న చిత్రం ఆచార్య. ఈ చిత్రంలో రామ్ చరణ్ కూడా కీలక పాత్రలో నటిస్తున్నాడు. కాజల్ అగర్వాల్, పూజా హెగ్డే లు హీరోయిన్స్ గా నటిస్తున్నారు. ఈ చిత్రం యొక్క షూటింగ్ ఇటీవల రంపచోడవరం అడవుల్లో జరుపుకుంది. అక్కడ కొద్ది రోజుల పాటుగా షూటింగ్ పూర్తి చేసుకొని తర్వాత షెడ్యూల్ కోసం ఖమ్మం జిల్లాకు బయలు దేరింది.
అక్కడ ఇల్లందులోని బొగ్గు గన్నులో కీలక మైన సన్నివేశాలను చిరంజీవి, రామ్ చరణ్ లపై చిత్రీకరించనున్నారు. తాజాగా అక్కడి సెట్స్ నుండి చిరంజీవి, రామ్ చరణ్ ఫోటోలు సోషల్ మీడియా లో లీక్ అయ్యాయి. ఈ లుక్ లో చిరంజీవి మామూలుగా లేడు. ఆర్మీ డ్రెస్స్ వేసి తండ్రి కొడుకులు ఇరగదీస్తున్నారు. ఇక్కడే ఓ వారం రోజులపాటుగా షూటింగ్ జరగనున్నది.
ఈ చిత్రం నుండి విడుదలైన టీజర్ కు విపరీతమైన రెస్పాన్స్ వచ్చింది. ఈ చిత్రానికి రామ్ చరణ్ సహా నిర్మాతగా వ్యవహరిస్తున్నాడు. కొణిదెల ప్రొడక్షన్స్, మ్యాట్నీ ఎంటర్ టైన్ టైన్మెంట్ సంస్థలపై చర్రీ, నిరంజన్ రెడ్డిలు నిర్మిస్తున్నారు. ఈ చిత్రానికి దేవి శ్రీ ప్రసాద్ సంగీతం అందిస్తున్నాడు. లాక్ డౌన్ అనంతరం ఈ చిత్రం యొక్క షూటింగ్ శరవేగంగా జరుగుతుంది. మెగాస్టార్ చిరు కూడా ఏమాత్రం రెస్ట్ లేకుండా ఈ చిత్రం కోసం చాలా కష్టపడి పనిచేస్తున్నాడు. మే 13న ఈ చిత్రం విడుదల అవ్వబోతుంది.