రాజమౌళి దర్శకత్వంలో రూపొందుతున్న పాన్ ఇండియా చిత్రం ఆర్‌ఆర్‌ఆర్. ఎన్‌టి‌ఆర్, రామ్ చరణ్ లు కలిసి నటిస్తున్న మల్టీ స్టారర్ మూవీ. బాలీవుడ్ హీరో అజయ్ దేవగన్, తమిళ దర్శకుడు & నటుడు సముద్రఖని లు కీలక పాత్రలో నటిస్తున్నారు. లాక్ డౌన్ కారణంగ పోస్ట్ పోన్ అయిన ఈ చిత్రం యొక్క షూటింగ్ లాక్ డౌన్ అనంతరం తిరిగి శరవేగంగా జరుపుకుంటుంది. 50 రోజులపాటు ఓ లాంగ్ షెడ్యూల్ ను జరుపుకుంది.
ప్రస్తుతం ఆర్‌ఎఫ్‌సి లో క్లైమాక్స్ షూటింగ్ జరుగుతుంది.చరణ్, తారక్ ల మధ్య వచ్చే భీకర మైన యాక్షన్ సన్నివేశాలను చిత్రీకరిస్తున్నాడు. ఆర్‌ఆర్‌ఆర్ లో చరణ్ అల్లూరి సీతరామరాజు పాత్రలో నటిస్తుంటే, తారక్ మాత్రం కొమురమ్ భీమ్ పాత్రలో నటిస్తున్నాడు. పీరియాడికల్ నేపథ్యం కలిగిన సోషియో ఫాంటసీ మూవీగా రూపొందుతుంది. ఈ చిత్రం యొక్క షూటింగ్ ఏప్రిల్ నాటికి పూర్తి అవ్వుతుందని రాజమౌళి ఓ సందర్భంలో చెప్పుకొచ్చాడు. ఆ తర్వాత తారక్, చరణ్ లు ఫ్రీ అవ్వుతారు అని జకన్న అంటున్నాడు.
ఈ చిత్రంలో వీరికి జోడీగా అలియా భట్, ఒలివియా మోరిస్ లు నటిస్తున్నారు. ఇప్పటికే ఈ చిత్రం నుండి విడుదలైన ఈ హీరోల టీజర్స్ కు మంచి రెస్పాన్స్ లభించింది. దసరకు అక్టోబర్ 13న విడుదల అవ్వుతుంది. ఈ చిత్రానికి కీరవాణి సంగీతం అందిస్తున్నాడు. డి‌వి‌వి దానయ్య డి‌వి‌వి ఎంటర్టైన్మెంట్ పై భారీ బడ్జెట్ తో నిర్మిస్తున్నాడు. ఇక ఆర్‌ఆర్‌ఆర్ హీరోల విషయానికి వస్తే చరణ్ ఆచార్య తో పాటుగా, శంకర్ దర్శకత్వంలో ఓ మూవీకి ఒకే చెప్పాడు. ఇక ఎన్‌టి‌ఆర్ మాత్రం త్రివిక్రమ్ తో సినిమా పూర్తి అయిన వెంటనే ప్రశాంత్ నీల్ తో సినిమాను సెట్స్ పైకి తీసుకు వెళ్ళుతాడు.