మెగా హీరో రామ్ చరణ్ తన 15వ సినిమాను శంకర్ తో చేయబోతున్న సంగతి తెలిసిందే. ఈ చిత్రంతో శంకర్ కూడా 15 సినిమాలను పూర్తి చేసుకుంటాడు. వీరి కాంబినేషన్ లో రూపొందే సినిమాను ప్రముఖ నిర్మాతలు దిల్ రాజు, శిరీష్ లు నిర్మించనున్నారు. వీరికి ఇది 50 వ చిత్రం కావున బడ్జెట్ విషయంలో ఏ మాత్రం వెనకాడకుండా భారీ వ్యయం తో ఈ చిత్రం రూపొందనున్నది.
చరణ్, శంకర్ కాంబినేషన్ పై మెగా అభిమానుల్లో చాలా అంచనాలు ఉన్నాయి. ఇది కచ్చితంగా బ్లాక్ బస్టర్ హిట్టు సాదిస్తుందని నమ్ముతున్నారు. ఈ చిత్రంతో తమిళ్ లోకి చర్రీ అడుగుపెట్టనున్నాడు. ఇక ఈ చిత్రంపై ఓ వార్తా వైరల్ అవ్వుతుంది. అది ఏమిటి అంటే ఓ తమిళ్ హీరో ఈ చిత్రంలో నటించనున్నాడు అని. ఈ వార్తా మెగా ఫ్యాన్స్ ను కంగారు పెడుతుంది. ఆర్ఆర్ఆర్ రేంజ్ లో ఈ సినిమా ను రూపొందించాలి అని శంకర్ భావిస్తున్నాడు అంట. అందుకే రెండెండ్లు ఈ సినిమా కోసం టైమ్ తీసుకోబోతున్నాడు అనే ప్రచారం సాగుతుంది.
తమిళ హీరో నటిస్తున్న విషయంను, చరణ్ తో శంకర్ సినిమాను అనౌన్స్ చేసినప్పుడే ప్రకటించాలిసింది. ఆ రోజు చరణ్ తో సోలో సినిమా అన్నట్లుగా ప్రకటించాడు. కావున ఇప్పుడు వస్తున్న తమిళ హీరో న్యూస్ పై మెగా అభిమానులు ఫేక్ అని కొట్టిపారేస్తున్నారు. అది శంకర్ సినిమా ఏదైనా జరగవచ్చు. ఆర్ఆర్ఆర్ తో చరణ్ కు వరల్డ్ వైడ్ గా పేరు రావడం గ్యారంటి. ఆ నేమ్ ను శంకర్ తన సినిమాకోసం ఉపయోగించుకొనున్నాడు.