నందమూరి బాలకృష్ణ, బోయపాటి శ్రీనువాస్ కాంబినేషన్ లో ఇప్పటికే రెండు హిట్టు చిత్రాలు వచ్చాయి. సింహా, లెజెండ్ రూపంలో బ్లాక్ బస్టర్ హిట్ట్స్ ను సొంతం చేసుకున్నాయి. ఇవి బాలయ్య కెరీర్ లోనే మర్చిపోలేని చిత్రాలు. ప్రస్తుతం ఇదే కాంబినేషన్ లో మూడో చిత్రం రాబోతుంది. #BB3 అనే ఆన్ టైటిల్ తోనే బోయపాటి ఈ సినిమాను రూపొందిస్తున్నాడు.
ఈ చిత్రం కోసం మోనార్క్ అనే పవర్ ఫుల్ టైటిల్ ను ఇదివరకే బోయపాటి రిజిస్టర్ చేయించాడు. కానీ అధికారిక ప్రకటన మాత్రం లేదు. తాజా సమాచారం మేరకు మోనార్క్ టైటిల్ పేరుతో ఫస్ట్ ఫోస్టర్ ను దర్శకుడు సిద్దం చేశాడు అంట. అయితే బాలకృష్ణ నుండి అనుమతి కోసం ఎదురుచూస్తున్నాడు అంటున్నారు.
బాలయ్య బాబు ఓకే చెప్పిన వెంటనే ఏదైనా మంచి సందర్భం చూసుకొని మోనార్క్ టైటిల్ పోస్టర్ ను విడుదల చేయనున్నాడు.బాలయ్య, బోయపాటి సినిమా విషయానికి వస్తే ఈ చిత్రంలో ప్రగ్యాజైస్వాల్ హీరోయిన్ గా నటిస్తుంది. ద్వారకా క్రియేషన్స్ పై మీర్యాల రవీందర్ రెడ్డి ఈ చిత్రాని నిర్మిస్తున్నాడు. ఈ చిత్రానికి థమన్ సంగీతం అందిస్తున్నాడు. మే 28న ఈ చిత్రం విడుదల అవ్వుతుంది.
బాలయ్య, బోయపాటి కాంబినేషన్ లో వస్తున్న హ్యాట్రిక్ మూవీ కావున నందమూరి అభిమానుల్లో ఈ చిత్రంపై భారీ అంచనాలు ఉన్నాయి. ఈ చిత్రం తర్వాత గోపిచంద్ మలినేని దర్శకత్వంలో ఓ సినిమా చెయ్యాలిసి ఉంది . ఇప్పటికే అధికారిక ప్రకటన వచ్చింది. త్వరలోనే పూర్తి వివరాలు తెలియనున్నాయి. ఈ చిత్రాని మైత్రి మూవీ మేకర్స్ బ్యానర్ పై నిర్మించనున్నారు.