మెగా హీరో రామ్ చరణ్ తేజ్, నందమూరి హీరో జూనియర్ ఎన్టీఆర్ లు హీరోలుగా రాజమౌళి దర్శకత్వంలో నటిస్తున్న పాన్ ఇండియా మూవీ ఆర్‌ఆర్‌ఆర్. లాక్ డౌన్ అనంతరం ఈ సినిమా షూటింగ్ శరవేగంగా జరుపుకుంటుంది. 50 రోజులపాటు రాత్రి, పగలు అనే తేడా లేకుండా షూటింగ్ జరిగింది. ప్రస్తుతం రామోజీ ఫిల్మ్ సిటీలో ఈ చిత్రానికి సంబందించిన ఫైనల్ యాక్షన్ ఎపిసోడ్ ను జక్కన చిత్రీకరిస్తున్నాడు.
ఈ నేపథ్యంలోనే చరణ్ తన తండ్రి హీరోగా నటిస్తున్న ఆచార్య అనే చిత్రంలో కీలక పాత్రలో నటిస్తున్నాడు. ఈ చిత్రం యొక్క షూటింగ్ ప్రస్తుతం తూర్పు గోదావరి జిల్లా రంపచోడవరం లో జరుగుతుంది. ఈ క్రమంలో ఆచార్య షూటింగ్ లో పాల్గొనేందుకు చరణ్ ఆర్‌ఆర్‌ఆర్ షూటింగ్ నుండి బ్రేక్ తీసుకున్నాడు. ఆచార్య చిత్రానికి దర్శకత్వం వహిస్తున్న కొరటాల శివ చరణ్ తో అడవి నేపథ్యంలోని కొన్ని కీలక సన్నివేశాలను చిత్రీకరించనున్నాడు. ఈ చిత్రంలో రామ్ చరణ్ సిద్ద అనే పాత్రలో నటిస్తున్న సంగతి తెలిసిందే.
ఈ చిత్రంలో కాజల్ అగర్వాల్, పూజ హెగ్డే లు హీరోయిన్స్ గా నటిస్తున్నారు. కొణిదెల ప్రొడక్షన్, మ్యాట్నీ ఎంటర్టైన్మెంట్ వంటి సంస్థలు ఈ చిత్రాని భారీ బడ్జెట్ తో నిర్మిస్తున్నాయి. రామ్ చరణ్ తనతదుపరి సినిమాను శంకర్ దర్శకత్వంలో చేయనున్నాడు. ఇప్పటికే అధికారిక ప్రకటన వచ్చేసింది. ఈ చిత్రాని దిల్ రాజు, శిరీష్ లు నిర్మించనున్నారు. ప్రస్తుతం ఈ చిత్రానికి సంబందించిన ప్రీ ప్రొడక్షన్ వర్క్ జరుగుతుంది. త్వరలోనే ఈ చిత్రంలో నటించబోయే తారాగణం పై అధికారిక ప్రకటన వెలువడే అవకాశం ఉంది.