నిన్నుకోరి ఫేమ్ శివ నిర్వాణ దర్శకత్వంలో నాని హీరోగా నటించిన చిత్రం టక్ జగదీష్. ఫ్యామిలీ మరియు ప్రేమకథ చిత్రంగా రూపొందుతుంది. ఐశ్వర్య రాజేష్, రీతూ వర్మ లు హీరోయిన్స్ గా నటించారు. ఈ చిత్రం నుండి నాని తన మొదటి పోస్టర్ లుక్ తోనే ఆకట్టుకున్నాడు. దర్శకుడు శివ పూర్తిగా ఫ్యామిలీ ఎంటర్టైనర్ గా రూపొందించాడు అని సమాచారం.
నాని కూడా కుటుంబ కథ చిత్రాల వైపే మొగ్గు చూపుతున్నాడు. ప్రయోగాత్మక సినిమాలు చేసి ఇప్పటికే చేతులు కాల్చుకున్నాడు. మోహన కృష్ణ ఇంద్రగంటి దర్శకత్వంలో వి అనే చిత్రంలో నటించాడు. ఈ చిత్రం బాక్స్ ఆఫీస్ వద్ద బోర్ల పడింది. నాని గ్యాంగ్ లీడర్ కూడా ఇదే తరహా డిజాస్టర్ ను అందుకుంది. అందుకే మొదటి నుండి తనకు కలిసి వస్తున్న కుటుంబ కథ చిత్రాల పై ఆసక్తితో ఉన్నాడు.
అందుకే ఈ చిత్రంలో తెలుగు సంస్కృతి, కట్టుబాట్లు, పల్లెటూరు వాతావరణం, ఇవ్వని ఉండేలాగా చూసుకుంటున్నాడు. సీతమ్మ వాకిట్లో సిరిమల్లె చెట్టు మాదిరి ఇందులో అన్నీ ఎమోషన్స్ ఉండే విదంగా దర్శకుడు ప్లాన్ చేశాడు అంట. శివ నిర్వాణ గత చిత్రాలు నిన్నుకోరి, మజిలీ చిత్రాలు మాదిరి టక్ జగదీష్ చిత్రం కూడా ఉండనున్నదని వార్తలు వస్తున్నాయి.
ఈ చిత్రాని ఏప్రిల్ 23న విడుదల చేస్తున్నారు. ఈ చిత్రానికి ఎస్ థమన్ సంగీతం అందిస్తున్నాడు. శైన్ స్క్రీన్ సాహు గారపాటి, హరీష్ పెద్దడి ఈ చిత్రాని నిర్మిస్తున్నారు. జగపతి బాబు, నాజర్ లు కీలక పాత్రలో నటిస్తున్నారు.