ఎస్ మహేష్ కుమార్ దర్శకత్వంలో, శ్రీ మురలి హీరోగా నటిస్తున్న చిత్రం మదగజ. తెలుగు కన్నడ బాషలో ఈ చిత్రం రూపొందుతుంది. ఈ చిత్రంలో శ్రీ మురలి ఎన్‌ఆర్‌ఐ పాత్రలో నటించనున్నాడు. ఆయన బర్త్ డే సందర్భంగా ఫస్ట్ లుక్ తో పాటుగా, టీజర్ ను కూడా రిలీజ్ చేశారు. కన్నడ అభిమానులనుండి మంచి రెస్పాన్స్ లభించింది. లక్షలల్లో వ్యూస్ ను రాబట్టింది.
ఈ చిత్రంలో కీలక పాత్రలో తెలుగు నటుడు జగపతి బాబు నటిస్తున్నాడు. ఈ చిత్రంలో ఆయన పాత్ర హైలెట్ గా నిలవనున్నదని వార్తలు వస్తున్నాయి. అయితే నేడు జగపతి బాబు పుట్టిన రోజు కావున పోస్టర్ లుక్ తో పాటుగా ఆయన టీజర్ ను కూడా విడుదల చేశారు. తెలుగులో త్రివిక్రమ్, ఎన్‌టి‌ఆర్ కాంబినేషన్ లో వచ్చిన సూపర్ హిట్టు చిత్రం అరవింద సమేత లో జగపతి బాబు లుక్ ఎంత భయంకరంగా ఉంటుందో అదే మాదిరి మదగజ లోకూడా జగపతి బాబు లుక్ ఆకట్టుకుంటుంది.
నెరిసిన గడ్డం, తెల్ల జుట్టు నడివయసు లుక్ తో నవ్వులు చిందిస్తూ ఉన్నాడు. ఈ చిత్రంలో మరో కీలక పాత్రలో ప్రకాష్ రాజ్ నటిస్తున్నాడు. రమ్యకృష్ణ, సాదు కోకిల తదితరులు నటిస్తున్నారు. ఆషికా రంగనాథ హీరోయిన్ గా నటిస్తుంది. ఈ చిత్రాని ఉమాపతి ఫిల్మ్స్ పై ఉమాపతి శ్రీనివాస నిర్మిస్తున్నాడు. కే‌జి‌ఎఫ్ ఫేమ్ రవి బశృర్ ఈ చిత్రానికి సంగీతం అందిస్తున్నాడు.