పవర్ స్టార్ పవన్ కళ్యాణ్, వేణు శ్రీ రామ్ డైరెక్షన్ లో వకీల్ సాబ్ చిత్రాని పూర్తి చేశాడు. ఈ చిత్రం ఏప్రిల్ 9న విడుదల అవ్వుతుంది. ఈ నేపథ్యంలోనే ఆయన మరో రెండు సినిమాలను సెట్స్ పైకి తీసుకెళ్ళాడు. అందులో ఒక్కటి మలయాళం సూపర్ హిట్టు మూవీ అయ్యపనుమ్ కొశీయుమ్ ను తెలుగులో సాగర్ చంద్ర దర్శకత్వంలో రూపొందుతుంది.
పవన్ తో పాటుగా రానా కూడా ఈ చిత్రంలో నటిస్తున్నాడు. సాయి పల్లవి హీరోయిన్ గా నటిస్తుంది. ఈ చిత్రంతో పాటుగా క్రిష్ డైరెక్షన్ లో ఓ పీరియాడికల్ మూవీలో పవన్ కళ్యాణ్ నటిస్తున్నాడు. ఈ క్రమంలోనే పవన్ కళ్యాణ్ కి గబ్బర్ సింగ్ చిత్రంతో సూపర్ హిట్టు ను అందించిన హరీష్ శంకర్ మరోసారి పవన్ కళ్యాణ్ తో ఓ సినిమా చేయబోతున్నాడు. ఈ చిత్రాని మైత్రి మూవీ మేకర్స్ బ్యానర్ పై నిర్మించనున్నారు.
ఈ చిత్రం యొక్క షూటింగ్ జూన్ నెలలో సెట్స్ పైకి వెళ్ళుతుందని నిర్మాతలు నవీన్ యర్నేని, రవి శంకర్ యర్నేని లు అధికారిక ప్రకటన ఇచ్చారు. గబ్బర్ సింగ్ చిత్రం కంటే మంచిగా ఈ చిత్రం ఉండబోతుందని అంటున్నారు. పవన్ అభిమానులకు ఈ చిత్రం ఓ విందు బోజనం లాంటిది అవ్వుతుందని అంటున్నారు.
హరీష్ శంకర్ ప్రస్తుతం స్క్రిప్ట్ వర్క్ పై ఫుల్ బిజీగా ఉన్నాడు. ఆ మధ్య వరుణ్ తేజ్ తో గద్దలకొండ గణేశ్ చిత్రాని తీసి మంచి విజయాని అందుకున్నాడు. పవన్ కళ్యాణ్ హరీష్ శంకర్ సినిమా తర్వాత రమేశ్ వర్మ దర్శకత్వంలో ఓ సినిమాలో నటించబోతున్నాడు అనే ప్రచారం జరుగుతుంది.
ఈ క్రమంలోనే పూరీ జగన్నాథ్ తో కూడా ఓ సినిమా ఉండబోతుందని వార్తలు వస్తున్నాయి. జనగణమన అనే సబ్జెక్ట్ ను పవన్ తో చేయాలని పూరీ ఉవ్విళ్లూరుతున్నాడు.