అర్జున్ రెడ్డి చిత్రంతో ఓవర్ నైట్ స్టార్ హీరోగా మారిన విజయ్ దేవరకొండ, పూరీజగన్నాథ్ దర్శకత్వంలో లైగర్ (సాలా క్రాస్ బ్రీడ్) అనే చిత్రంలో నటిస్తున్నాడు. ఈ చిత్రాని మొత్తం అయిదు బాషల్లో విడుదల చేస్తున్నారు. తెలుగు తో పాటుగా, హింది, కన్నడ, తమిళం, మలయాళం. ఈ చిత్రంతో విజయ్ బాలీవుడ్ లోకి అడుగు పెడుతున్నాడు.
రౌడీ స్టార్ కి అక్కడ ఇది మొదటి చిత్రం. అనన్య పాండే హీరోయిన్ గా నటిస్తుంది. ఈ చిత్రాని పూరీ కనెక్ట్స్ , ధర్మ ప్రొడక్షన్స్ పై ఛార్మి కౌర్, కరణ్ జోహర్ లు సంయుక్తంగా నిర్మిస్తున్నారు. ఈ మధ్య ఈ చిత్రం నుండి విజయ్ లుక్ ను విడుదల చేసి మంచి రెస్పాన్స్ తీసుకు వచ్చారు చిత్ర యూనిట్. ఈ నేపథ్యంలోనే సినిమా విడుదలపై నేడు లైగర్ టీమ్ క్లారీటి ఇచ్చింది.
ఈ చిత్రం సెప్టెంబర్ 9వ తేదీన వరల్డ్ వైడ్ గా విడుదల చేస్తున్నారు. రిలీజ్ డేట్ తో పాటుగా మరోసారి విజయ్ మాస్ లుక్ ను విడుదల చేశారు. విజయ్ లుక్ పై ఆయన అభిమానులు పండగ చేసుకుంటున్నారు. మార్షల్ ఆర్ట్స్, కిక్ బాక్సింగ్ మిక్సింగ్ తో రొమాంటిక్ స్పొర్ట్స్ డ్రామాగా రూపొందుతుంది. వరల్డ్ ఫేమస్ లవర్ చిత్రంతో ఫ్లాప్ ను దక్కించుకున్న విజయ్ ఈ సినిమాపై చాలా ఆశలు పెట్టుకున్నాడు. వరస ఫ్లాప్స్ తో ఉన్న పూరీ కూడా ఇస్మార్ట్ శంకర్ సినిమాతో మరల ట్రాక్ లోకి వచ్చాడు.
లైగర్ చిత్రం యొక్క షూటింగ్ మొదటి నుండి కూడా ముంబయి లో జరిగింది. ఇప్పటికే 50 పర్సెంట్ సినిమా షూటింగ్ ను పూర్తి చేసుకుంది. కరోనా కారణంగ షూటింగ్ పోస్ట్ పోన్ చేశారు. ఆ తర్వాత టాలీవుడ్ సినిమాలు అన్నీ సెట్స్ పైకి వెళ్ళుతుండటంతో పూరీ తన లైగర్ ను సెట్స్ పైకి తీసుకువచ్చాడు. మరోసారి ముంబయి లో సెకండ్ షెడ్యూల్ షూటింగ్ జరపనున్నారు. ఈ షెడ్యూల్ తో లైగర్ పూర్తి అవ్వుతుంది. ఈ చిత్రానికి మణిశర్మ సంగీతం అందిస్తున్నాడు.