శ్రీమంతుడు, భారత్ అనే నేను, మహర్షి, సరిలేరు నికేవ్వరు చిత్రాలు మంచి విజయం సాదించాయి. వరస విజయాలతో ప్రిన్స్ మహేష్ బాబు దూసుకుపోతున్నాడు .ప్రస్తుతం మహేష్ సర్కారు వారి పాట అనే చిత్రంలో నటిస్తున్నాడు. ఈ చిత్రానికి పరుశురామ్ దర్శకత్వం వహిస్తున్నాడు. సినిమా టైటిల్ తోనే అటు మహేష్ ను ఇటు అభిమానులను ఇంప్రెస్ చేశాడు.
ప్రస్తుతం దుబాయ్ షెడ్యూల్ లో ఓ యాక్షన్ ఎపిసోడ్ ను మరియు కొన్ని కీలక సన్నివేశాలను చిత్రీకరిస్తున్నాడు. హాలీవుడ్ స్టంట్ తరహా మాదిరి ఫైట్స్ ను డిజైన్ చెయించినట్లుగా తెలుస్తుంది. మహేష్ గత సినిమాలతో పోలిక లేకుండా ఈ స్టంట్స్ ఉండనున్నాయని సమాచారం. ఈ చిత్రానికి థమన్ సంగీతం అందిస్తున్నాడు. పాటలపై పరుశురాం ప్రత్యేకమైన శ్రద్ద పెట్టినట్లుగా తెలుస్తుంది. ఈ విషయాని స్వయంగా థమనే చెప్పాడు.
మహేష్ తో వచ్చిన అవకాశాని దర్శకుడు చక్కగా ఉపయోగించుకోవాలని చూస్తున్నాడు. అందుకే తను స్క్రిప్ట్ లో ఏదైతే రాసుకున్నాడో దానిని యాజీటీస్ గా తెరపై చూపించాలని గట్టి పట్టుదలతో ఉన్నాడు. ఈ చిత్రంలో కీర్తి సురేష్ హీరోయిన్ గా నటిస్తుంది. సుబ్బరాజ్, వెన్నెల కిషోర్ తదితర తారాగణం నటిస్తుంది. ఈ చిత్రాని 14 రీల్స్ , జి‌ఎం‌బి, మైత్రి మూవీ మేకర్స్ భారీ బడ్జెట్ తో నిర్మిస్తున్నారు.
ఈ చిత్రం వచ్చే ఏడాది సంక్రాంతికి విడుదల అయ్యే అవకాశం ఉంది. ఈ చిత్రం తర్వాత రాజమౌళి దర్శకత్వంలో ఓ పాన్ ఇండియా మూవీ లో మహేష్ నటించనున్నాడు.