బాహుబలి లోని శివగామి పాత్రతో రమ్యకృష్ణ చాలా బిజీగా మారింది. వరస ఆఫర్స్ తో ఆమె వెంట క్యూ కడుతున్నాయి . సీనియర్, జూనియర్ హీరోల సినిమాల్లో కీలక పాత్రల్లో నటిస్తుంది. తెలుగులో ఆకాశ్ పూరీ సినిమాలో ఓ కీలక పాత్రలో నటిస్తుంది. పురిజగన్నాథ్ ఆమె పాత్రను చాలా చక్కగా డిజైన్ చేశాడు అని వార్తలు వస్తున్నాయి. కళ్యాణ్ కృష్ణ దర్శకత్వంలో నాగార్జున హీరోగా బంగార్రాజు అనే చిత్రం త్వరలో తెరపైకి రానున్నది.
ఎప్పటినుండో ఈ చిత్రంపై అనేక రకాల వార్తలు వస్తున్నాయి. ఈ నేపథ్యంలోనే త్వరలో ఈ చిత్రంను సెట్స్ పైకి తీసుకెళ్లే ఆలోచనలో నాగార్జున ఉన్నాడు. సోగ్గాడే చిన్ని నాయన చిత్రంలో గ్లామర్ పాత్రతో ఆకట్టుకున్న రమ్యకృష్ణ ఈ చిత్రంలో నాగార్జున కు జోడీగా తీసుకుంటున్నట్లుగా సమాచారం. ఆ చిత్రంలో నాగార్జున అంటే పడి చచ్చే పాత్రలో నటించింది. బంగరాజు, బంగరాజు అంటూ నాగ్ తో రొమాన్స్ చేసింది. రొమాన్స్ సీన్స్ ను పండించడంలో నాగార్జున కు పోటీగా ఎవరు కూడా లేరు.
వీరిద్దరి కాంబినేషన్ బాగా పండటంతో బంగార్రాజు చిత్రంలో మరోసారి నాగార్జున, రమ్యకృష్ణ జోడీ ప్రేక్షకులను అలరించనున్నది. అన్నపూర్ణ బ్యానర్ పై ఈ చిత్రాని నిర్మించనున్నారు. గతంలోనూ రమ్యకృష్ణ తో కలిసి నాగార్జున ఎన్నో హిట్టు చిత్రాలో నటించాడు. ప్రస్తుతం రమ్యకృష్ణ తెలుగులో బంగార్రాజు చిత్రంతో కలిపి మరో రెండు సినిమాల్లో నటిస్తుంది. సాయి ధరమ్ తేజ్ రిపబ్లిక్ చిత్రంలో నటిస్తుంది. ఆకాశ్ పూరీ తో రొమాంటిక్ అనే చిత్రంలో నటిస్తుంది. నాగార్జున విషయానికి వస్తే ప్రస్తుతం వైల్డ్ డాగ్ షూటింగ్ తో బిజీగా ఉన్నాడు. విక్రమ్ కే కుమార్ దర్శకత్వంలో మనం చిత్రం కు సీక్వెల్ చేసే పనిలో ఉన్నాడు.