బాహుబలి స్టార్ ప్రభాస్ నటించనున్న స్ట్రెయిట్ హింది మూవీ అదిపురుష్. ఓం రౌత్ ఈ చిత్రానికి దర్శకత్వం వహిస్తున్నాడు. ప్రస్తుతం ముంబై పరిసర ప్రాంతంలో సెట్ ను వేస్తున్నారు. ఇక దర్శకుడు హాలీవుడ్ నిపుణులతో వి‌ఎఫ్‌ఎక్స్ సహాయంతో అదిపురుష్ సామ్రాజ్యాని నిర్మిస్తున్నాడు. ఈ చిత్రంలో ప్రభాస్ రాముడి పాత్రలో కనిపించనున్నాడు. లంకేష్ పాత్రలో సైఫ్ అలీఖాన్ నటిస్తాడు. సీత పాత్ర కోసం కృతి సనన్ ను తీసుకోబోతున్నట్లుగా వార్తలు వస్తున్నాయి. ఇంకా అధికారిక ప్రకటన మాత్రం రాలేదు.
ఈ చిత్రంలో రాముడి తల్లి పాత్ర కోసం ఆనాటి నటి హేమమాలిని ని సంప్రదించారు. ఆమె వెంటనే ఓ‌కే చెప్పినట్లుగా సమాచారం. కౌసల్య పాత్రలో హేమమాలిని కనిపించనున్నది. దశరథుడి పాత్ర కోసం చిత్ర బృందం అన్వేషిస్తుంది. త్వరలో ఈ విషయంపై కూడా ఓ అధికారిక ప్రకటన ఇవ్వనున్నారు. ఈ చిత్రాని భూషణ్ కుమార్, కృషణ్ కుమార్ లు నిర్మిస్తున్నారు. ప్రభాస్ సినిమాల విషయానికి వస్తే ప్రస్తుతం రాధే శ్యామ్ ను పూర్తి చేసే పనిలో ఉన్నాడు. ఈ చిత్రం యొక్క షూటింగ్ చివరి దశకు చేరుకుంది.
ఈ నేపథ్యంలోనే కే‌జి‌ఎఫ్ దర్శకుడు ప్రశాంత్ నీల్ తో సలార్ అనే చిత్రంలో నటిస్తున్నాడు. శృతి హాసన్ హీరోయిన్ గా నటిస్తుంది. నాగ్ అశ్విన్ డైరెక్షన్ లో ఓ పాన్ ఇండియా మూవీ చెయ్యాలిసి ఉంది. ఇది ఓ సైన్స్ పిక్సన్ మూవీ గా రూపొందనున్నది. ఈ చిత్రంలో బాలీవుడ్ హీరోయిన్ దీపికా పదుకునె నటించనున్నది. ఇప్పటికే ఆమె తో సంప్రదింపులు జరిపాడు. ప్రస్తుతం ప్రీ ప్రొడక్షన్ వర్క్ జరుగుతుంది. త్వరలో పూర్తి వివరాలు తెలియనున్నాయి.