అనీల్ రావిపూడి దర్శకత్వంలో ఎఫ్ 2 చిత్రానికి సీక్వెల్ గా ఎఫ్ 3 చిత్రం తెరకెక్కుతుంది ఫన్ అండ్ ఫస్ట్రేషన్ తో మరింత నవ్వులు పూయించడానికి రాబోతుంది. ఈ చిత్రంలో వెంకటేష్, వరుణ్ తేజ్ లు హీరోలుగా నటిస్తున్నారు. తమన్నా, మెహరిన్ లు హీరోయిన్స్ గా నటిస్తున్నారు. ఈ చిత్రాన్ని శ్రీ వేంకటేశ్వర క్రియెషన్స్ బ్యానర్ పై దిల్ రాజు నిర్మిస్తున్నాడు. ఈ చిత్రం యొక్క శాటిలైట్ రైట్స్ 12 కోట్లకు, డిజిటల్ రైట్స్ 12 కోట్లకు మొత్తం 12 కోట్లకు అమ్మేసినట్లుగా వార్తలు వస్తున్నాయి.
ఎఫ్ 3 విడుదలకు ముందే 24 కోట్లను దిల్ రాజ్ దక్కించుకున్నాడు. ఈ చిత్రానికి ఇంత డిమాండ్ రావడానికి గల కారణం ఎఫ్ 2 చిత్రం మంచి విజయం దక్కించుకోవడమే. 30 కోట్లు పెట్టి తీస్తే 127 కోట్లు దక్కించుకుంది. ఎఫ్3 చిత్రానికి దేవి శ్రీ ప్రసాద్ సంగీతం అందిస్తున్నాడు. సాయి శ్రీ రామ్ కెమరమెన్ గా పని చేస్తున్నాడు. రాజేంద్ర ప్రసాద్ మరో కీలక పాత్రలో నటిస్తున్నాడు. వరుణ్ తేజ్ గని చిత్రంతో బిజీగా ఉన్నాడు. అలాగే వెంకటేష్ సోలోగా, ఎంట్రీ ఇస్తున్న చిత్రం నారప్ప. శ్రీ కాంత్ అడ్డాల దర్శకత్వం వహిస్తున్నాడు.
ప్రకాష్ రాజ్, సంపత్ రాజ్ లు కీలక పాత్రలో నటిస్తున్నారు. తమిళంలో ధనుష్ హీరోగా నటించిన అసురన్ చిత్రాన్ని తెలుగులో నారప్ప గా రూపొందిస్తున్నారు. దిల్ రాజ్ సినిమాల విషయానికి వస్తే ఎఫ్ 3 చిత్రంతో పాటుగా పవన్ కళ్యాణ్ వకీల్ సాబ్ చిత్రాన్ని నిర్మించాడు. ఈ చిత్రాన్ని త్వరలో విడుదల చేసే అవకాశం ఉంది.