కొరటాల శివ దర్శకత్వంలో మెగాస్టార్ చిరంజీవి నటిస్తున్న 152 వ చిత్రం ఆచార్య. ఈ చిత్రంలో కాజల్ అగర్వాల్ హీరోయిన్ గా నటిస్తుంది. రామ్ చరణ్ కీలక పాత్రలో నటిస్తున్నాడు. ఇప్పటికే ఈ చిత్రం నుండి విడుదలైన చరణ్ ప్రీ లుక్ ఆకట్టుకుంది. చిరంజీవికి శిష్యుడిగా సిద్దా అనే పాత్రలో నటిస్తున్నాడు. పూజ హేగ్డే చరణ్ కి జోడీగా నటిస్తుంది. ప్రస్తుతం ఈ చిత్రం యొక్క షూటింగ్ రామోజీ ఫిల్మ్ సిటీ లో జరుపుకుంటుంది.
ఈ చిత్రం యొక్క టీజర్ ను ఈ నెల 29 న సాయంత్రం 4 గంటల 05 నిమిషాలకు విడుదల చెయ్యబోతున్నాం అని కొరటాల శివ బృందం ఇటీవలే ప్రకటించింది. తాజా సమాచారం మేరకు ఈ టీజర్ కు బ్యాగ్రౌండ్ వాయిస్ ను చరణ్ అందిస్తున్నాడు. ఈ టీజర్ యొక్క నిడివి 1.15 నిమిషాలుగా ఉండనున్నట్లు తెలుస్తుంది. చరణ్ వాయిస్ ఇవ్వడమే కాకుండా ఈ టీజర్ లో చిరంజీవి తోపాటుగా కనిపించబోతున్నాడు అని రిపోర్ట్స్ అందుతున్నాయి.
ఈ చిత్రాన్ని కొణిదెల ప్రొడక్షన్స్ బ్యానర్, మ్యాట్నీ ఎంటర్టైన్మెంట్ బ్యానర్ పై రామ్ చరణ్, నిరంజన్ రెడ్డి లు నిర్మిస్తున్నారు. ఈ చిత్రానికి మణిశర్మ సంగీతం అందిస్తున్నాడు. ఈ చిత్రాన్ని ఈ సమ్మర్ లో విడుదల చెయ్యనున్నారు. ఈ చిత్రం తర్వాత కొరటాల శివ అల్లు అర్జున్ తో ఓ సినిమా చెయ్యనున్నాడు. చిరంజీవి లూసిఫర్, వేదాలమ్ రీమేక్ మూవీలో నటించనున్నాడు. రామ్ చరణ్ ఆచార్య తో పాటుగా ఆర్‌ఆర్‌ఆర్ లో నటిస్తున్నాడు. ఈ చిత్రం యొక్క షూటింగ్ ఫైనల్ స్టేజ్ కు చేరుకుంది.