హిట్టు చిత్రాల దర్శకుడు అనీల్ రావిపూడి దర్శకత్వంలో 2019 లో ఎఫ్ 2 చిత్రం వచ్చిన సంగతి అందరికి తెలిసిందే. కామిడీ డ్రామా గా రూపొందిన ఈ చిత్రం మంచి విజయం సాదించింది. ఈ చిత్రంలో విక్టరీ వెంకటేష్, వరుణ్ తేజ్ లు హీరోలుగా నటించారు. వీరికి జతగా తమన్నా. మెహరిన్ లు నటించారు. రాజేంద్ర ప్రసాద్ కీలక పాత్రలో నటించాడు.
ఈ చిత్రం సినీ ప్రేక్షకులను కడుపుబ్బ నవ్వించింది. ముఖ్యంగా కోపాన్ని కంట్రోల్ ఏ విదంగా చేసుకోవాలో వెంకటేష్ ద్వారా వెంకీ ఆసనం వేసి మరి చూపించాడు. ఈ చిత్రానికి సీక్వెల్ గా ఎఫ్ 3 చిత్రాన్ని అనీల్ తెరకెక్కిస్తున్నాడు. ఫన్ అండ్ ఫస్ట్రేషన్ తో మరింత నవ్వులు కురిపించడానికి రాబోతున్నాడు. ఎఫ్ 3 చిత్రబృందం ఈ చిత్రం యొక్క విడుదల తేదీని ప్రకటించింది. ఆగష్టు 27 న ప్రపంచ వ్యాప్తంగ విడుదల అవ్వుతుందని తెలిపింది.
ఈ చిత్రాన్ని శ్రీ వేంకటేశ్వర క్రియెషన్స్ బ్యానర్ పై దిల్ రాజు నిర్మిస్తున్నాడు. దేవి శ్రీ ప్రసాద్ సంగీతం అందిస్తున్నాడు. వరుణ్, వెంకటేష్ లకు జోడీగా ఎఫ్ 2 చిత్రంలో నటించిన తమన్నా, మెహరిన్ లు మరోసారి నటిస్తున్నారు. ఈ చిత్రం యొక్క ఐటెమ్ సాంగ్ లో రష్మిక నర్తించనున్నదని వార్తలు వచ్చాయి. కానీ అధికారిక ప్రకటన మాత్రం రాలేదు. అనీల్ గత ఏడాది మహేశ్ బాబు తో సరిలేరు నికేవ్వరు, ఎఫ్ 2 లతో హిట్టు కొట్టి మంచి జోరు మీద ఉన్నాడు. వెంకటేష్ ప్రస్తుతం నారప్ప చిత్రాని పూర్తి చేసే పనిలో ఉన్నాడు. వరుణ్ తేజ్ గని చిత్రంలో బాక్సర్ గా నటిస్తున్నాడు.