యంగ్ రెబల్ స్టార్ ప్రభాస్ హీరోగా, కే‌జి‌ఎఫ్ దర్శకుడు ప్రశాంత్ నీల్ దర్శకత్వంలో సలార్ అనే చిత్రం తెరకెక్కనున్నది. ఇప్పటికే పూజ కార్యక్రమాలను పూర్తి చేసి సిద్దంగా ఉన్న దర్శకుడు, ఈ నెల 29 నుండి రెగ్యులర్ షూటింగ్ జరపనున్నారు. ఈ చిత్రంలో ప్రభాస్ అమాయకంగ కనిపించే వ్యక్తి మాఫియా సామ్రాజ్యానికి ఎలా లీడర్ గా మారాడు అనే కథాంశం తో రాబోతుంది.
తమిళ నటి శృతి హాసన్ హీరోయిన్ గా నటిస్తుంది. తాజా సమాచారం మేరకు హైదరాబాద్ లోని అల్యూమినియం ఫ్యాక్టరీలో ఈ నెల 26 నుండి టెస్ట్ షూట్ జరుపుతున్నట్లుగా తెలుస్తుంది. ప్రభాస్, శృతి హాసన్ లు ఈ టెస్ట్ షూట్ లో పాల్గొన్నారు. ఈ చిత్రంలోని వీరిద్దరి లుక్ కు సంబందించి ఈ టెస్ట్ చేస్తున్నట్లుగా సమాచారం. ఈ టెస్ట్ షూట్ లో వీరి ఫేయిర్ ఎలా ఉంటుంది. ఈ చిత్రంకోసం శృతి హాసన్ సెట్ అవ్వుతుందా లేదా అనేది చూస్తారు అన్ని ఓకే అనుకుంటే రెగ్యులర్ షూట్ కు వెల్లుతారు.
ఈ చిత్రాని భారీ బడ్జెట్ తో హేంబలే ఫిల్మ్స్ ప్రొడక్షన్స్ అధినేత విజయ్ కిరాంగదుర్ నిర్మిస్తున్నాడు. సంగీతం రవి బస్రుర్ అందిస్తున్నాడు. ఈ చిత్రంతో పాటుగా ప్రభాస్ చేతిలో మరో రెండు చిత్రాలు లైన్ లో ఉన్నాయి. నాగ్ అశ్విన్ తో సైన్స్ ఫిక్షన్ మూవీ చెయ్యాలిసి ఉంది. బాలీవుడ్ దర్శకుడు ఓం రౌత్ దర్శకత్వంలో అదిపురుష్ చిత్రంలో నటించనున్నాడు. రాముడిగా ప్రభాస్ నటిస్తూనే రావణగా సైఫ్ అలీఖాన్ నటించనున్నాడు. ప్రస్తుతం జిల్ మూవీ ఫేమ్ దర్శకుడు రాధాకృష్ణ దర్శకత్వంలో రాధే శ్యామ్ అనే చిత్రంలో నటిస్తున్నాడు. ఈ చిత్రం షూటింగ్ చివరి దశకు చేరుకుంది. ఏప్రిల్ నెల లో ఈ చిత్రం విడుదల కానున్నది. పూజ హెగ్డే కథానాయకగా నటిస్తుంది.