అక్కినేని నాగచైతన్య, న్యాచురల్ స్టార్ నాని ల చిత్రాలు సమ్మర్ లో పోటీ పడబోతున్నాయి. ఈ రెండు చిత్రాలు ఏప్రిల్ 16 న విడుదల కాబోతున్నాయి. మరి ఈ రెండు చిత్రాల్లో ఏది విజయం సాదిస్తుందో తెలియాలంటే మరి కొన్ని రోజులు ఎదురు చూడాలిసిందే. అక్కినేని నాగ చైతన్య యావరేజ్ హిట్స్ తో డిఫ్ఫరెంట్ కాన్సెప్ట్స్ తో సినిమాలు చేస్తూ వస్తున్నాడు.
ప్రస్తుతం ఆయన శేఖర్ కమ్ముల దర్శకత్వంలో లవ్ స్టోరీ అనే చిత్రంను పూర్తి చేసుకున్నాడు. చైతు కి జోడీగా సాయి పల్లవి నటిస్తుంది. దర్శకుడు ఈ చిత్రాన్ని రొమాంటిక్ ఎంటర్టైన్మెంట్ గా తెరకెక్కించాడు. ఈ చిత్రం యొక్క షూటింగ్ ఎప్పుడో పూర్తి అయింది. విడుదల కోసం సరైన టైంకోసం దర్శకుడు వెయిట్ చేస్తున్నాడు. నిజానికి సంక్రాంతి కి రావాలిసింది కానీ. పెద్ద సినిమాలు విడుదలకు ఉండటంతో పోస్ట్ పోన్ చేసుకున్నాడు. నేడు ఈ చిత్రం యొక్క మేకర్స్ ఏప్రిల్ 16 న విడుదల చేస్తున్నాం అంటూ లాక్ చేసింది.
అదే రోజు న్యాచురల్ స్టార్ నాని హీరోగా శివ నిర్వాణ దర్శకత్వంలో తెరకెక్కిన చిత్రం టక్ జగదీష్. ఈ చిత్రంలో రీతూవర్మ, ఐశ్వర్య రాజేశ్ లు హీరోయిన్స్ గా నటించారు. రొమాంటిక్ అండ్ ఫ్యామిలీ డ్రామా గా ఈ చిత్రం రూపొందించారు. జగపతి బాబు కీలక పాత్రలో నటించాడు. లాక్ డౌన్ కు ముందే ఈ చిత్రం 75 శాతం షూటింగ్ పూర్తి చేసుకుంది. లాక్ డౌన్ అనంతరం పర్మిషన్స్ ఇవ్వడంతో తిరిగి శరవేగంగా షూటింగ్ జరుపుకుంది. ప్రస్తుతం పోస్ట్ ప్రొడక్షన్ పనులు జరుగుతున్నాయి. ఈ చిత్రానికి థమన్ సంగీతం అందించాడు.
షైన్ స్క్రీన్స్ పై సాహు గరపాటి,హరీష్ పెద్ది ఈ చిత్రాన్ని నిర్మించారు. ఈ చిత్రం ఏప్రిల్ 16 న విడుదల అవ్వుతుంది. చైతు, నాని సినిమాలు అదే రోజున విడుదల అవ్వడంతో బాక్స్ ఆఫీస్ వద్ద గట్టి పోటినే ఎదురుకానున్నది. ఓటమి అంటే ఏమిటో తెలియకుండా సినిమాలను తీస్తున్న శేకర్ కమ్ముల లవ్ స్టోరీ చిత్రం కూడా విజయం సాదిస్తుందని నమ్మకంతో ఉన్నాడు . శివ నిర్వాణ విషయానికి వస్తే నిన్నుకోరి సినిమా తో పర్వాలేదు అనిపించుకున్నాడు. మరి టక్ జగదీష్ తో హిట్టు కొట్టాలని చూస్తున్నాడు. మరి ఇద్దరిలో ఎవరు విజయం సాదిస్తారో చూడాలి.