అయ్యప్పనుమ్ కొషియమ్ ను తెలుగులో సాగర్ చంద్ర రీమేక్ చేస్తున్నాడు. ఈ చిత్రం యొక్క తెలుగు వర్షన్ లో పవన్ కళ్యాణ్, రానా లు ముఖ్య పాత్రలో నటిస్తున్నారు. ఇప్పటికే పూజ కార్యక్రమాలతో ప్రారంభించిన ఈ చిత్రం నేటి నుండి హైదరాబాద్ లో షూటింగ్ జరుపుకుంటుంది. రానా, పవన్ కళ్యాణ్ ల వార్ నేటి నుండి మొదలు కానున్నది. రానా కి జోడీగా సాయి పల్లవి నటిస్తుంటే. పవన్ కోసం హీరోయిన్ ను వెతికే పనిలో ఉన్నాడు దర్శకుడు.
ఈ చిత్రానికి త్రివిక్రమ్ కూడా పని చేస్తున్నాడు. ఆయన ఈ చిత్రానికి స్క్రీన్ ప్లే, మాటలు అందించనున్నాడు. ఈ చిత్రం కోసం పవన్ కళ్యాణ్ 40 డేస్ డేట్స్ ను కేటాయించాడు. ఈ చిత్రంతో పాటుగా క్రిష్ దర్శకత్వంలోను ఓ సినిమాలో నటిస్తున్నాడు. ఇప్పటికే ఈ చిత్రం షూటింగ్ కూడా ప్రారంబించింది. పవన్ పై కొన్ని షాట్స్ ను తీసినట్లుగా వార్తలు వస్తున్నాయి. ఈ చిత్రం తర్వాత హరీష్ శంకర్ దర్శకత్వంలో ఓ సినిమాలో పవన్ కళ్యాణ్ నటించనున్నాడు. ఆ తర్వాత రమేశ్ వర్మ కూడా పవన్ కోసం ఓ కథను సిద్దం చేసి వినిపించినట్లుగా తెలుస్తుంది.
అందుకు ఆయన కూడా ఓకే చెప్పినట్లు సమాచారం. రానా సినిమాల విషయానికి వస్తే ప్రభు సాల్మన్ దర్శకత్వంలో అరణ్య సినిమాను పూర్తి చేశాడు. ప్రస్తుతం పోస్ట్ ప్రొడక్షన్ పనులు జరుపుకుంటుంది. ఈ చిత్రంలో విష్ణు విశాల్ కీలక పాత్రలో నటించాడు. వేణు ఉడుగుల దర్శకత్వంలో సురేశ్ ప్రొడక్షన్స్ నిర్మాణంలో విరాట పర్వం అనే చిత్రంలో రానా సాయి పల్లవి జంటగా నటించారు. ఈ చిత్రం షూటింగ్ పూర్తి చేసుకుని విడుదలకు సిద్దంగా ఉంది. సీనియర్ హీరో పవన్ కళ్యాణ్ యువ హీరో రానా దగ్గుబాటి కలిసి నటిస్తుండటంతో మలయాళం రీమేక్ మూవీ పై అంచనాలు పెరిగాయి. మరి ఇద్దరిలో ఎవరు పై చేయి సాదిస్తారో తెలియాలంటే మరో కొన్ని రోజులు అగాలిసిందే.