కొరటాల శివ దర్శకత్వంలో చిరంజీవి లీడ్ రోల్ లో నటిస్తున్న చిత్రం ఆచార్య. కాజల్ అగర్వాల్ హీరోయిన్ గా నటిస్తుంది. కొణిదెల ప్రొడక్షన్స్ ,ఏ‌కే ఎంటర్టైన్మెంట్ బ్యానర్స్ పై రామ్ చరణ్, నిరంజన్ రెడ్డి కలిసి ఈ చిత్రాన్ని నిర్మిస్తున్నారు. మణి శర్మ సంగీతం అందిస్తున్నాడు. ఈ చిత్రంలో రామ్ చరణ్ ఓ కీలక పాత్రలో నటిస్తున్నాడు. చిరంజీవి కి శిష్యుడిగా చరణ్ కనిపిస్తాడు.
ఇప్పటికే చిరంజీవి అండ్ చరణ్ ప్రీ లుక్ లు మెగా ఫ్యాన్స్ ను అలరిస్తున్నాయి. ఈ చిత్రంలో చరణ్ తో ఎవరు జత కడుతారు అనే విషయంపై గత కొన్ని రోజులుగా చర్చలు జరుగుతున్నాయి. పలు బాలీవుడ్, టాలీవుడ్ హీరోయిన్ల పేర్లను పరిశీలించారు. చివరికి పూజ హెగ్డే ను ఫైనల్ చేసినట్లుగా వార్తలు వస్తున్నాయి. ఆచార్య టీమ్ మాత్రం ఈ విషయంపై ఎటువంటి స్పందన లేదు. త్వరలోనే పూజ విషయంపై ఓ క్లారీటి రానున్నది.
ఈ చిత్రం సమ్మర్ లో విడుదల చెయ్యడానికి దర్శక నిర్మాతలు ప్లాన్ చేస్తున్నారు. రామ్ చరణ్ తన తదుపరి సినిమా విషయానికి వస్తే రాజమౌళి దర్శకత్వంలో ఆర్‌ఆర్‌ఆర్ అనే మల్టీస్టారర్ మూవీ చేస్తున్నాడు. ఈ చిత్రంలో చరణ్ అల్లూరి సీతారామరాజు పాత్రలో కనిపిస్తాడు. మరో హీరోగా ఎన్‌టి‌ఆర్ నటిస్తున్నాడు. గిరిజన వీరుడు కొమురం భీమ్ పాత్రలో కనిపించనున్నాడు. ప్రస్తుతం ఈ చిత్రం క్లైమాక్స్ కు సంబందించిన భీకర పోరాట సన్నివేశాలను చిత్రీకరిస్తున్నారు.
చిరంజీవి సినిమాల విషయానికి వస్తే లూసిఫర్, వేదాలమ్ చిత్రాలను తెలుగు రీమేక్ లో నటించనున్నాడు. లూసిఫర్ చిత్రానికి మోహన్ రాజ దర్శకత్వం వహిస్తే, వేదాలమ్ కు మెహర్ రమేశ్ దర్శకత్వం వహించనున్నాడు. లూసిఫర్ ను ఈ మధ్యనే ఘనంగా లంచ్ చేశారు. త్వరలో సెట్ పైకి వెల్లుతుంది.