ప్రభాస్ ప్రస్తుతం రాధాకృష్ణ దర్శకత్వంలో “రాధే శ్యామ్” అనే చిత్రంలో నటిస్తున్నాడు. ఈ చిత్రంలో పూజ హెగ్డే కథానాయికగా నటిస్తుంది. పీరియాడికల్ నేపథ్యం కలిగిన కథాంశం గా ఈ చిత్రం ప్రేక్షకుల ముందుకు రాబోతుంది. బాహుబలి తర్వాత పాన్ ఇండియా గా మారిన ప్రభాస్. ఈ చిత్రంను కూడా అదే స్థాయిలో తెరకెక్కిస్తున్నాడు. ఇప్పటికే ఈ చిత్రం నుండి విడుదలైన ప్రచార చిత్రాలకు మంచి రెస్పాన్స్ వచ్చింది.
ఈ చిత్రం యొక్క కథానాయిక పాత్ర షూటింగ్ పూర్తి అయినట్లుగా పూజా హెగ్డే తన ఇంస్టా గ్రామ్ ద్వారా ప్రకటించింది. ఇక ఈ చిత్రం యొక్క విడుదల తేదీ పై సామాజిక మాధ్యమాలలో రకరకాల వార్తలు వస్తున్నాయి. కానీ ఎవరు మాత్రం అధికారికంగా డేట్ గాని మంత్ గాని ప్రకటించడంలేదు. తాజాగా ఈ విషయంపై రెబల్ స్టార్ కృష్ణం రాజు స్పందించాడు. ఈ చిత్రాన్ని ఏప్రిల్ నెలలో ప్రేక్షకుల ముందుకు వస్తుందని చెప్పాడు. విడుదల తేదీని మాత్రం చిత్రా బృందం ప్రకటిస్తుందని అన్నాడు. ప్రస్తుతాని ఈ చిత్రం చివరి దశలో ఉంది అన్నాడు. రెబల్ స్టార్ ఫ్యాన్స్ కూడా ఈ చిత్రం ఎప్పుడు విడుదల అవ్వుతుందా అని ఎదురుచూస్తున్నారు.
సంక్రాంతి భరిలో తమ హీరో సినిమా లేక పోయేసరికి కాస్త నిరాశ వ్యక్తం చేస్తున్నారు. ఈ చిత్రాన్ని యూవీ క్రియేషన్స్ బ్యానర్ పైన ప్రమోద్ ఉప్పలపాటి, ప్రసీద ఉప్పలపాటి , వంశీ కృష్ణ రెడ్డి లు కలిసి నిర్మిస్తున్నారు. ఈ చిత్రం తర్వాత ప్రభాస్ కన్నడ దర్శకుడు ప్రశాంత్ నీల్ తో సలార్ అనే చిత్రంలో నటించనున్నాడు. ఇప్పటికే టైటిల్ లోగో తో కూడిన ఫస్ట్ లుక్ ను చిత్రా బృందం ఇప్పటికే విడుదల చేసింది. అభిమానులు, సినీ ప్రేక్షకులనుండి మంచి రెస్పాన్స్ లభించింది. నాగ్ అశ్విన్, ఓం రౌత్ దర్శకులతో తదుపరి పాన్ ఇండియా చిత్రాలు లైన్ లో ఉన్నాయి. ఈ ఏడాది ప్రభాస్ “రాధే శ్యామ్” చిత్రంతో అభిమానులకు సరిపెట్టెలగా ఉన్నాడు.