అర్జున్ రెడ్డి సినిమాతో ఓవర్నైట్ స్టార్ గా మారిన విజయ్ దేవరకొండ ప్రస్తుతం పురి జగన్నాథ్ దర్శకత్వంలో లైగర్ (సాల క్రాస్ బ్రీడ్ ) అనే చిత్రంలో నటిస్తున్నాడు. రొమాంటిక్ లవ్ స్టోరీ గా ఈ చిత్రం రూపొందుతుంది. ఈ చిత్రం కు సబందించిన టైటిల్ ను నిన్న పూరిజగన్నాథ్ అండ్ టీమ్ విడుదల చేసింది. తెలుగు రాష్ట్రాల్లోని విజయ్ ఫ్యాన్స్ టైటిల్ లుక్ పై రచ్చ చేస్తున్నారు. విజయ్ ఈ చిత్రంలో బాక్సర్ గా నటిస్తున్నాడు. విజయ్ బాక్సింగ్ చేస్తున్న స్టీల్ తో లైగర్ టైటిల్ ను విడుదల చేశారు.
విజయ్ ఫ్యాన్స్ లైగర్ బ్యానర్ కు పాలాభిషేకం, చేతిపై లైగర్ ట్యాటు వేసుకొని తమ అభిమానం ను చాటుతున్నారు. మరికొంతమంది ఏకంగా బీరుతోనే అభిషేకం చేశారు. ప్రస్తుతం ఈ వీడియో లు సోషల్ మీడియాలో వైరల్ అవ్వుతున్నాయి. ఈ చిత్రం యొక్క ప్రొడ్యూసర్ ఛార్మి ఆ వీడియో ను షేర్ చేస్తూ ఇక విజయ్ దేవరకొండ ఫ్యాన్స్ రచ్చ స్టార్ట్ అయింది అంటూ విజయ్ కి ట్యాగ్ చేసింది. ఈ వీడియో పై విజయ్ దేవరకొండ చాలా ఎమోషనల్ అయ్యాడు.
నిన్న మీరు నన్ను ఎంతో సంతోషకరమైన భావోద్వేగాలతో ముంచెత్తారు. ఈ చిత్రం కోసం ఎంతో కష్టపడ్డాను ఒకానొక సమయంలో అసలు ఈ చిత్రాన్ని చూడటానికి థియేటర్ కి ప్రేక్షకులు వస్తారా అనిపించింది. కానీ ఫ్యాన్స్ నుండి వస్తున్న రెస్పాన్స్ చూస్తుంటే చాలా సంతోషం గా ఉంది. లైగర్ ఫస్ట్ లుక్ కు వస్తున్న రెస్పాన్స్ దృశ్యాలు చూస్తుంటే నన్ను ఎంతో కదిలించాయి. నా మాటలు గుర్తుంచుకోండి ఈ చిత్రం యొక్క టీజర్ కోసం వేచి చూడండి.
నేషనల్ వైడ్ మ్యాడ్నెస్ కు హామీ ఇస్తున్న అన్నారు. అంటూ మరో ట్వీట్ చేశాడు. లైగర్ చిత్రంలో అనన్య పాండే విజయ్ కి జోడీగా నటిస్తుంది. వరస ఫ్లాప్స్ తో ఉన్న విజయ్ ఈ చిత్రంపై చాలా నమ్మకం పెట్టుకున్నాడు. అలాగే పూరీ జగన్నాథ్ కూడా ఇస్మార్ట్ శంకర్ ఇచ్చిన జోష్ తో లైగర్ కోసం కసి గా పనిచేస్తున్నాడు.