డిఫ్ఫరెంట్ కాన్సెప్ట్స్ తో వరస విజయాలతో దూసుకుపోతున్న నటుడు వరుణ్ తేజ్. మెగా బ్రదర్ నాగబాబు సినిమా వారసుడిగా అడుగుపెట్టిన వరుణ్ తేజ్ మొదటి నుండి కూడ వైవిధ్యమైన కథలతో వస్తున్నాడు. గద్దల కొండ గణేష్ చిత్రం తర్వాత ప్రస్తుతం అయిన కిరణ్ కోరపాటి దర్శకత్వంలో గని అనే చిత్రంలో నటిస్తున్నాడు. ఈ చిత్రంలో వరుణ్ తేజ్ బాక్సర్ గా నటిస్తున్నాడు. అల్లు అరవింద్ సమర్పణలో సిద్ద ముద్దా, అల్లు బాబీ సంయుక్తంగా నిర్మిస్తున్నారు.
ఈ చిత్రంలో సాయి మంజ్రేకర్ హీరోయిన్ గా నటిస్తుంది. కన్నడ నటుడు ఉపేంద్ర, నవీన్ చంద్ర, సునీల్ శెట్టి, కీలక పాత్రలో నటిస్తున్నారు. వరుణ్ తేజ్ బర్త్ డే సందర్భంగా ఈ చిత్రంనుండి మోషన్ పోస్టర్ ను మెగా పవర్ స్టార్ రామ్ చరణ్ తేజ్ విడుదల చేశాడు. మెగా ఫ్యాన్స్ నుండి, ప్రేక్షకులనుండి మంచి రెస్పాన్స్ లభిస్తుంది. ఈ చిత్రం బాక్సింగ్ నేపథ్యంలో ఉంటుంది కావున వరుణ్ బాక్సింగ్ నేర్చుకోవడం కోసం స్పెషల్ ట్రైనింగ్ ను కూడా తీసుకునట్లుగా సమాచారం.
ఈ చిత్రం సెట్స్ పైన ఉండగానే ఎఫ్2 చిత్రానికి సీక్వెల్ గా ఎఫ్3 లో నటిస్తున్నాడు. ఈ చిత్రానికి అనిల్ రావిపూడి దర్శకత్వం వహిస్తున్నాడు. ఫన్ అండ్ ఫ్యామిలి ఎంటర్టైనర్ గా ఈ చిత్రం తెరకెక్కుతుంది. హీరో వెంకటేష్ మరో ముఖ్య పాత్రలో నటిస్తున్నాడు. వీళ్ళ సరసన, మెహరిన్, తమన్నా లు నటిస్తున్నారు. నటకిరీటి రాజేంద్ర ప్రసాద్ కీలక పాత్రలో నటిస్తున్నాడు. ఈ రెండు చిత్రాలు విజయం సాదిస్తాయని వరుణ్ తేజ్ గట్టినమ్మకం తో ఉన్నాడు.