మలయాళం సూపర్ హిట్ట్ చిత్రం అయ్యప్పనుమ్ కొషియుమ్ ను తెలుగులో సాగర్ చంద్ర రీమేక్ చేస్తున్నాడు. ఇప్పటికే పూజ కార్యక్రమాలతో గ్రాండ్ గా ప్రారంభించారు. పవన్ కల్యాణ్, రానాలు ముఖ్య పాత్రలో నటిస్తున్నారు. సితారా ఎంటర్టైన్మెంట్ పతాకంపై సూర్య దేవర నాగ వంశీ ఈ చిత్రాన్ని నిర్మిస్తున్నాడు. ఈ తెలుగు నేటివిటీకి తగిన విధంగా స్క్రిప్ట్ లో మార్పులు చేర్పులు చేస్తున్నారు. ఇక ఈ చిత్రం కోసం త్రివిక్రమ్ శ్రీనివాస్ కూడా పనిచేస్తున్నాడు.
ఈ విషయాన్ని స్వయంగా చిత్రా బృందమే ప్రకటించింది. స్క్రీన్ ప్లే మరియు మాటలు అందించనున్నాడు. త్రివిక్రమ్ చేరికతో సినిమా కచ్చితంగా విజయం సాదిస్తుందని అభిమానులు గట్టి నమ్మకంతో ఉన్నారు. వరస విజయాలతో దూసుకుపోతున్న త్రివిక్రమ్ ఈ చిత్రంకు పనిచేయడం ప్లస్ అవ్వుతుంది. ఈ చిత్రంలో హీరోయిన్స్ గా ఎవరు నటిస్తారు అనే సందేహంపై రకరకాల వార్తలు వస్తున్నాయి.. ఇప్పటివరకు సాయి పల్లవి పేరు మాత్రమే వినిపించింది. అందుకు ఆమె భారీగానే డిమాండ్ చేసిందని సమాచారం.
ఇప్పుడు మరో హీరోయిన్ పేరు వినిపిస్తుంది. ఐశ్వర్య రాజేశ్ పేరు తెరపైకి వచ్చింది. ఈమె పవన్ కు జోడీగాను సాయి పల్లవి రానా కు జోడీగా నటిస్తుందని సోషల్ మీడియాలో వార్తలు వస్తున్నాయి. త్వరలోనే చిత్రా బృందం నుండి అధికారిక ప్రకటన వెలువడే అవకాశం ఉంది. ఈ చిత్రం కోసం పవన్ కళ్యాణ్ 40 రోజులు డేట్స్ ను కేటాయించాడు. ఈ చిత్రం తర్వాత క్రిష్ దర్శకత్వంలో ఓ పీరియాడికల్ మూవీ ని చెయ్యనున్నడు. రానా ప్రస్తుతం విరాటపర్వం చిత్రం షూటింగ్ లో ఉన్నాడు. సాయి పల్లవి ఆయనకు జోడీగా నటిస్తుంది. ఈ చిత్రం చివరి దశకు చేరుకుంది. రానా, పవన్ కళ్యాణ్ సినిమా కోసం బిల్లా రంగా అనే టైటిల్ పరిశీలిస్తున్నట్లుగా ప్రచారంలో ఉంది.