పవన్ కళ్యాణ్ అటు రాజకీయాల్లోనూ ఇటు సినిమాల్లోనూ బిజీగా ఉన్నాడు. వేణు శ్రీ రామ్ దర్శకత్వంలో “వకీల్ సాబ్” ను పూర్తి చేశాడు. ఈ చిత్రం బాలీవుడ్ “పింక్” చిత్రానికి రీమేక్. అక్కడ అమితాబ్ బచ్చన్ నటిస్తే తెలుగులో పవన్ కళ్యాణ్ నటించాడు. శృతి హాసన్ పవన్ కు జోడీగా నటించింది. అంజలి కీలక పాత్రలో కనిపించనున్నది.
ఈ చిత్రాన్ని దిల్ల్ రాజు నిర్మించాడు. త్వరలో ఈ చిత్రం విడుదల అవ్వనున్నది. ఈ చిత్రం తర్వాత పవన్ కళ్యాణ్ తన తదుపరి సినిమాలను లైన్ లో పెట్టాడు. క్రిష్ డైరెక్షన్ లో “విరూపాక్ష” అనే చిత్రంలో నటించనున్నాడు. చిత్రా టైటిల్ ను అధికారికంగా ప్రకటించలేదు. విరూపాక్ష అనే టైటిల్ సోషల్ మీడియాలో జోరుగా ప్రచారం సాగుతుంది. ఈ చిత్రంలో పవన్ కళ్యాణ్ పాత్ర రాబిన్ హుడ్ పాత్రలమాదిరిగా ఉంటుందని సమాచారం.
ఈ చిత్రం యొక్క షూటింగ్ ను క్రిష్ ఇప్పటికే ప్రారంభించాడు. త్వరలో పవన్ కళ్యాణ్ షూటింగ్ సెట్స్ లో పాల్గొననున్నాడు. ఈ చిత్రంలోని పవన్ కళ్యాణ్ లుక్ పై ఇండస్ష్ట్రి వర్గాల్లో ఓ న్యూస్ హల్చల్ చేస్తుంది. గుండు లుక్ లో పవన్ కనిపిస్తాడని చిత్రా యూనిట్ నుండి అందుతున్న సమాచారం. అందుకు క్రిష్ న్యాచురల్ గా పవన్ గుండు లుక్ ఉండటం కోసం ఆయనను ఒప్పించినట్లుగా తెలుస్తుంది. పవన్ కూడా ఒకే చెప్పినట్లుగా సమాచారం. మరి అభిమానులు పవన్ కళ్యాణ్ గుండు లుక్ పై ఆందోళనచెందుతున్నారు. నిజంగానే పవన్ గుండు లుక్ లో కనిపిస్తాడా అని సోషల్ మీడియా వేధిక ప్రశ్నిస్తున్నారు.