తెలుగులో భరత్ అనే నేను , వినయ విధేయ రామ చిత్రాల్లో నటించిన కియారా అద్వానీ..బాలీవుడ్ లో కబీర్ సింగ్ తో బ్లాక్ బస్టర్ హిట్ కొట్టి గోల్డెన్ లెగ్ గా మారింది. అమ్మడి తో సినిమాలు చేసేందుకు అగ్ర దర్శక , నిర్మాతలు పోటీ పడుతున్నారు. తెలుగులో వినయ తర్వాత మరో ఛాన్స్ రాలేదు. దీనికి కారణం బాలీవుడ్ చిత్రాల్లో వరుస ఛాన్సులు రావడం తో డేట్స్ సర్దాబాటు చేయలేక నో చెపుతూ వస్తుంది. ఇదిలా ఉంటె తాజాగా ఈమె న్యూ ఇయర్ వేడుకల కోసం మాల్దీవులకు వెళ్ళింది అది కూడా ప్రియుడి తో కలిసి.
ప్రస్తుతం సినిమా వాళ్లకు మాల్దీవులపై ఎక్కువగా ఫోకస్ పెడుతున్నారు. ఇప్పటికే కాజల్ అగర్వాల్, రానా దగ్గుబాటితో పాటు లేెటెస్ట్‌గా నిహారిక, చైతన్య దంపతులు తమ హనీమూన్‌కు మాల్దీవులనే ఎంచుకున్నారు. ఈ యేడాది న్యూ ఇయర్ వేడుకలను అక్కడే సెలబ్రేట్ చేసుకోనున్నారు. తాజాగా కియారా అద్వానీ కూడా కొత్త యేడాది వేడుకల కోసం మాల్దీవులనే ఎంచుకుంది. అక్కడ తన ప్రియుడు సిద్ధార్ధ్ మల్హోత్రతో కలిసి 2021కు వెల్‌కమ్ చెప్పనుంది. ఈ బుధవారం ఉదయము కియారా అద్వానీ తన ప్రియుడు సిద్దార్ధ్ మల్హోత్రతో కలిసి ఎయిర్‌పోర్ట్‌లో దర్శనమిచ్చింది. అక్కడ ఓ వారం రోజుల పాటు వీళ్లిద్దరు కలిసి ఎంజాయ్ చేయనున్నారట. గతంలో వీళ్లిద్దరు 2020 న్యూ ఇయర్ సెలబ్రేషన్స్ కోసం ఆఫ్రికాకు వెళ్లడం జరిగింది.