సుకుమార్ – అల్లు అర్జున్ కలయికలో తెరకెక్కుతున్న పాన్ ఇండియా మూవీ పుష్ప. మైత్రి మూవీ మేకర్స్ నిర్మాణంలో దేవి శ్రీ సంగీత సారథ్యంలో రష్మిక హీరోయిన్ గా తెరకెక్కుతున్న ఈ మూవీ షూటింగ్ ఇటీవలె తూర్పు గోదావరి జిల్లా మారేడుమిల్లి అటవీ ప్రాంతంలో మొదలైంది. కాగా చిత్ర యూనిట్ లో కొంతమందికి కరోనా లక్షణాలు కనిపించడం తో పాటు ఓ వ్యక్తి మరణించడం తో వెంటనే చిత్ర యూనిట్ షూటింగ్ ను రద్దు చేసి హైదరాబాద్ కు తిరిగివచ్చింది. ప్రస్తుతం కొత్త షెడ్యూల్ లో అరకు లో మొదలుపెట్టబోతున్నారు.
ఇదిలా ఉంటె ఈ చిత్రంలోని ఐటెం సాంగ్ కోసం చిత్ర మేకర్స్ బాలీవుడ్ హాట్ బ్యూటీ దిశా పటాని ని సంప్రదించారట. అయితే అమ్మడు ఏకంగా కోటిన్నర అడిగి మేకర్స్ కి భారీ షాక్ ఇచ్చిందట. పాన్ ఇండియా మూవీ కాబట్టి బాలీవుడ్ హీరోయిన్ అయితే బాగుంటుందని ఆమెను సంప్రదిస్తే ఇలా షాక్ ఇచ్చిందేంటని సుక్కు బృందం ఖంగుతిన్నారట. బన్నీ – సుకుమార్ కాంబినేషన్ లో ఇప్పటికే అ అంటే అమలాపురం రింగ రింగా ఐటమ్ సాంగ్స్ ఎంత బ్లాక్ బస్టర్ హిట్స్ అయ్యాయో తెలిసిందే. మళ్లీ అదే కాంబినేషన్ లో అంటే.. డైరెక్టర్ హీరోలే కాదు మ్యూజిక్ డైరెక్టర్ కూడా ఒకడే అవడంతో ఈ క్రేజీ కాంబో మళ్లీ అలాంటి మాస్ నెంబర్ క్రియేట్ చేస్తుందని అంచనా వేస్తున్నారు సినీ ఫ్యాన్స్. మరి ఈ పుష్ప కోసం ఏ ఐటెం భామ దింపుతారో చూడాలి.