సుడిగాడు’ చిత్రంతో ఇండస్ట్రీ కి హీరోయిన్ గా పరిచమైన మోనాల్ గజ్జర్..తెలుగు, తమిళం, మరాఠి, గుజరాతీ భాషల్లో కలిపి సుమారు 20 చిత్రాల్లో నటించింది. అయితే 20 చిత్రాల్లో నటించినప్పటికీ పెద్దగా పాపులర్ కానీ ఈమె బిగ్ బాస్ షో తో విపరీతమైన క్రేజ్ సొంతం చేసుకుంది. ఎవరూ ఊహించని విధంగా బిగ్ బాస్ హౌస్ లో 98 రోజులు గడిపి అందరికి షాక్ ఇచ్చింది. ఇక ఇప్పుడు బిగ్ బాస్ దెబ్బకు ఈ బ్యూటీకి తెలుగులో మంచి ఫాలోయింగ్ ఏర్పడింది. బిగ్ బాస్ నుండి బయటికి వచ్చిన తర్వాత మోనాల్ కు వరుస ఛాన్సులు వస్తున్నాయి. ఇప్పటికే ఓంకార్ నిర్వహిస్తున్న డాన్స్ షో కు హోస్ట్ గా చేయబోతుండగా..తాజాగా ఐటెం ఛాన్స్ కొట్టేసినట్లు సమాచారం.
సంతోష్ శ్రీనివాస్ – బెల్లం కొండ శ్రీనివాస్ కలయికలో సంక్రాంతి బరిలో రాబోతున్న అల్లుడు అదుర్స్ సినిమాలో ఐటెం సాంగ్ చేసే మోనాల్ దక్కించుకున్నట్లు తెలుస్తుంది. బెల్లంకొండ సాయి సినిమాల్లో ఐటమ్ సాంగ్ లు ప్రత్యేకంగా వుంటాయి. టాప్ హీరోయిన్లును ఏరి కోరి తెస్తుంటారు. అలాంటిది ఈసారి ఈ అవకాశం మోనాల్ ను వరించింది. ఈ మేరకు వేసిన ప్రత్యేకమైన సెట్ లో ఐటమ్ సాంగ్ చిత్రీకరణ ప్రారంభమైంది. మాంచి గ్లామరస్ గెటప్ ప్లస్ డ్రెస్ లో మోనాల్ సెట్ లోకి అడుగుపెట్టింది. అలాగే వెడ్ సిరీస్ అవకాశాలు కూడా మోనాల్ కు వస్తున్నాయట. మొత్తం మీద బిగ్ బాస్ పుణ్యమా అని మోనాల్ బిజీ అయ్యింది.