సూపర్ స్టార్ మహేష్ బాబు – గీత గోవిందం ఫేమ్ పరుశురాం కలయికలో రాబోతున్న చిత్రం సర్కారు వారి పాట. కీర్తి సురేష్ హీరోయిన్ గా నటిస్తుండగా, మైత్రి మూవీ మేకర్స్, 14 రీల్స్ నిర్మిస్తుంది. వాస్తవానికి ఈ సినిమా ఎప్పుడో సెట్స్ పైకి రావాల్సి ఉండగా..కరోనా లాక్ డౌన్ తో సెట్స్ పైకి వెళ్లేందుకు ఆలస్యం అయ్యింది. జనవరి 25 నుండి ఈ మూవీ షూటింగ్ హైదరాబాద్ లో మొదలుకానుంది. ఇదిలా ఉంటె ఈ చిత్రంలో అదిరిపోయే కామెడీ ట్రాక్ సెట్ చేసాడట పరుశురాం.
వెన్నెల కిషోర్, పోసాని మధ్య సాగే ఈ కామెడీ ట్రాక్ సినిమాలోనే మెయిన్ హైలైట్ గా నిలుస్తోందని తెలుస్తోంది. ఈ ట్రాక్ మొత్తం సెకెండ్ హాఫ్ లో వస్తోందట. అలాగే ఈ ట్రాక్ లో అనసూయ కూడా ఉంటుందట. వీళ్ళ ముగ్గురి మధ్య ఫుల్ కన్ ఫ్యూజన్ డ్రామా ఉంటుందని అంటున్నారు. మైత్రీ మూవీ మేకర్స్, జీ ఎమ్ బి ఎంటర్టైన్మెంట్ ,14 రీల్స్ ప్లస్ సంస్థలు ఈ మూవీని భారీ స్థాయిలో నిర్మిస్తున్నాయి. చాలా కాలం తర్వాత మహేష్ లవర్ బాయ్‌ గా నటించనున్నాడు.