‘అపరిచితుడు’, ‘ఐ’, ‘ఇంకొక్కడు’ ఇలా తన కెరీర్‌లో ఎన్నో గుర్తుండిపోయే క్యారెక్టర్స్‌తో ఆడియెన్స్‌ను మెస్మరైజ్ చేసిన చియాన్ విక్రమ్..ఇప్పుడు కోబ్రా తో ప్రేక్షకుల ముందుకు రాబోతున్నాడు. కరోనా లేకుంటే ఎప్పుడో థియేటర్లలోకి వచ్చేది. కానీ కరోనా కారణంగా ఆలస్యమవుతోంది. తాజాగా ఈ చిత్రానికి సంబంధించి కొత్త అప్‌డేట్ వచ్చేసింది. కోబ్రాలో విక్రమ్ సెకండ్ లుక్‌ను సెవెన్ స్క్రీన్ స్టూడియో విడుదల చేసింది. ఆ ఫొటోలో పొడవాటి.. గజిబిజి జట్టుతో కనిపించాడు విక్రమ్. అంతేకాదు ఎన్నో అంకెలు, ఫార్ములాలు అతడి మెదుడులో ఉన్నట్లు చూపించారు. ప్రతి సమస్యకూ గణిత పరిష్కారం ఉంటుందని క్యాప్షన్ పెట్టారు.
ఈ కొత్త లుక్ విక్రమ్ అభిమానులను ఎంతగానో ఆకట్టుకుంటోంది. అజయ్ జ్ఞానముత్తు దర్శకత్వం వహిస్తుండగా విక్రమ్ సరసన ‘కేజీఎఫ్’ భామ శ్రీనిధి శెట్టి హీరోయిన్ గా నటిస్తుంది. కాగా ప్రముఖ మాజీ క్రికెటర్ ఇర్ఫాన్ పటాన్ కీలక పాత్రలో కనిపించనున్నాడు. ఏ ఆర్ రెహమాన్ సంగీతమందిస్తున్నారు. 2021 మే లో విడుదలకు సన్నాహాలు చేస్తున్నారు.