తెలుగు బిగ్ బాస్ సీజన్ 4 విన్నర్ అభిజిత్..తాజాగా మెగా బ్రదర్ నాగ బాబును కలిశారు. ఈ సీజన్ కంటెస్టెంట్లందరిలో అభిజీత్ టైటిల్ విన్నర్ అవుతాడని గత కొన్ని రోజులముందే చెప్పిన నాగబాబు.. అతనికి సపోర్ట్ చేస్తూ మాట్లాడారు. బిగ్ బాస్ రియాలిటీ షోలో అభిజీత్ ఆడే విధానం చాలా బాగా నచ్చిందని, ఎప్పుడూ ఎంతో కూల్ అండ్ కామ్‌గా కనిపిస్తాడని చెబుతూ ఆ సమయంలో అభిజీత్‌కి మంచి హైప్ ఇచ్చారు మెగా బ్రదర్. అది గుర్తుపెట్టుకొనే హౌస్ నుంచి బయటకు రాగానే నాగబాబును మర్యాదపూర్వకంగా కలిశారు అభిజీత్.
ఆయనకు పుష్పగుచ్చం అందజేసి థాంక్స్ తెలిపారు. బిగ్ బాస్ సీజన్ 4లో స్ట్రాంగ్ కంటెస్టెంట్‌గా అడుగుపెట్టి 106 రోజుల పాటు బిగ్ బాస్ హౌజ్‌లో 19 మంది కంటెస్టెంట్స్‌తో పోటీప‌డి టైటిల్ గెలుచుకున్నారు అభిజీత్. సింపుల్‌, సిన్సియ‌ర్ అండ్ జెన్యూన్‌ పర్సన్‌గా పేరు తెచ్చుకొని తనకంటూ ప్రత్యేక అభిమాన వర్గాన్ని కూడగట్టుకున్నారు.