వరుస విజయాలతో ఫుల్ స్పీడ్ లో ఉన్న సూపర్ స్టార్ రజనీకాంత్..ప్రస్తుతం యాక్షన్ డైరెక్టర్ శివ డైరెక్షన్లో ‘అన్నత్తే’ అనే సినిమా చేస్తున్నాడు. సన్ పిక్చర్స్ సంస్థ భారీ బడ్జెట్ తో నిర్మిస్తున్న ఈ మూవీ..తెలుగు లో మెగా స్టార్ టైటిల్ అన్నయ్య మూవీ తో విడుదల కాబోతుంది. ఈ మూవీ షూటింగ్ గతవారం రామోజీ ఫిల్మ్‌‌సిటీలో మొదలైంది. ప్రస్తుతం శరవేగంగా కొనసాగుతున్న షూటింగ్ కు బ్రేక్ పడింది.
షూటింగ్ బృందంలో ఎనిమిది మందికి క‌రోనా పాజిటివ్‌గా నిర్దార‌ణ అవ‌డంతో షూటింగ్ తాత్కాలికంగా నిలిచిపోయింది. అయితే క‌రోనా ప‌రీక్ష‌ల్లో రజనీకాంత్ కు మాత్రం నెగెటివ్ గా తేలింది. ఈ నేప‌థ్యంలో రజనీకాంత్ హోం ఐసోలేష‌న్ లో ఉన్నారు. న‌య‌న‌తార, కీర్తిసురేశ్, ఇత‌ర న‌టీన‌టులు క్వారంటైన్ లో ఉన్నారు. ఈ చిత్రంలో ప్ర‌కాశ్ రాజ్‌, సూరి, న‌య‌న‌తార, కీర్తిసురేశ్, ఖుష్బూ, మీనా కీల‌క‌పాత్ర‌ల్లో న‌టిస్తున్నారు. రజనీకాంత్ పొలిటిక‌ల్ పార్టీ ఆవిర్బావం నేప‌థ్యంలో తొంద‌ర‌గా పూర్తి చేయాలని భావించి..రోజుకు 14 గంట‌లు షూటింగ్ లో పాల్గొంటున్నారు. అయితే హఠాత్తుగా ఇలా క‌రోనా కేసులు బ‌య‌ట‌కు రావ‌డంతో షూటింగ్ నిలిచిపోయింది. మళ్లీ షూటింగ్ ఎప్పుడు మొదలు పెడతారో చూడాలి.