వరుస సినిమాలతో తన స్పీడ్ చూపిస్తున్న పవర్ స్టార్ పవన్ కళ్యాణ్..సోమవారం తన కొత్త చిత్రాన్ని ప్రారంభించిన సంగతి తెలిసిందే. పవన్ కళ్యాణ్ – రానా ల కాంబినేషన్ లో సూర్యదేవర నాగవంశీ సితార ఎంటర్ టైన్మెంట్స్ పతాకంపై ప్రొడక్షన్ నం:12 గా ఈ చిత్రం తెరకెక్కుతుంది. యువ దర్శకుడు సాగర్.కె.చంద్ర దర్శకత్వం వహిస్తున్న ఈ చిత్రానికి పి.డి.వి. ప్రసాద్ సమర్పకులు కాగా , త్రివిక్రమ్ మాటలు అందిస్తుండడం విశేషం. మళయాలంలో సూపర్ హిట్ అనిపించుకున్న అయ్యప్పనుమ్ కోషియం సినిమాకి రీమేక్ గా ఈ సినిమా తెరకెక్కబోతుంది.
ఈ సినిమా షూటింగ్ ను జనవరి 2 నుండి ప్రారంభించే అవకాశం ఉందని అంటున్నారు. జనవరి 2 నుండి సరిగ్గా మూడు నెలల్లో సినిమా పూర్తి చేసే విధంగా ప్లాన్ చేశారట. ఈ రీమేక్ కోసం పవన్ నుండి 50 రోజులు.. రానా నుండి 30 రోజుల డేట్లను దర్శకుడు తీసుకున్నాడనే వార్తలు వస్తున్నాయి. ఎక్కువగా ఔట్ డోర్ షూటింగ్ లేకుండా సింపుల్ గా స్థానికంగానే చిత్రీకరణ ముగించబోతున్నాడు. అలాగే ఈ సినిమాకు గాను పవన్ 50 కోట్లకు పైగా పారితోషికంగా తీసుకోబోతున్నట్లు వార్తలు వినిపిస్తున్నాయి. మరి ఇది నిజామా కదా అనేది తెలియాల్సి ఉంది. ఇక అన్ని అనుకున్నట్లుగా షూటింగ్ జరిగితే ఈ సినిమాను ఏప్రిల్ లేదా మే నెలల్లోనే విడుదల చేసే అవకాశం ఉంది.