తెలుగు బిగ్ బాస్ 4 సీజన్ గ్రాండ్ గా ముగిసింది. అంత భావించినట్లే అభిజిత్ టైటిల్ విన్నర్ అయ్యాడు. కానీ అభిజిత్ టైటిల్ విన్నర్ అయ్యాడు కానీ అతడిని మించి సోహెల్ విన్నర్ అయ్యాడు. హౌస్ లో టాప్ 3 అయినప్పటికీ టాప్ వన్ గా పేరు తెచ్చుకున్నాడు. సోహెల్ ఓ చిన్న బడ్జెట్ సినిమా నిర్మించాలని బిగ్ బాస్ సాక్షి గా చెప్పగా..దానికి మెగాస్టార్ చిరంజీవి సపోర్ట్ ఇవ్వగా..ఇప్పుడు హాస్య బ్రహ్మ బ్రహ్మానందం సైతం సోహెల్ కు అండగా ఉంటానని తెలిపి సోహెల్ ను మరింత పాపులర్ చేసాడు.
సోహెల్ చేయబోయే సినిమాలో నటించేందుకు బ్రహ్మానందం గ్రీన్ సిగ్నల్ ఇచ్చాడట. అది కూడా ఎలాంటి రెమ్మ్యూనరేషన్ లేకుండా ఓకే చెప్పినట్లు తెలుస్తుంది. ఎన్నో సినిమాలను కేవలం తన కామెడీ తోనే ఒంటిచేత్తో విజయం అందించిన బ్రహ్మానందం.. సోహెల్ కోసం రంగంలోకి దిగడమంటే మామూలు విషయం కాదు. పైగా ఇదే మూవీకి చిరంజీవి సపోర్ట్ కూడా ఉండబోతుండడం తో సోహాల్ చేయబోయే చిత్రానికి ఫుల్ క్రేజ్ వచ్చినట్లే. మరి ఈ సినిమా ఎప్పుడు మొదలుపెడతాడో..ఎలాంటి కథ తో వస్తాడో చూడాలి.