వరుస సినిమాలతో తన స్పీడ్ చూపిస్తున్న పవర్ స్టార్ పవన్ కళ్యాణ్..సోమవారం తన కొత్త చిత్రాన్ని ప్రారంభించిన సంగతి తెలిసిందే. పవన్ కళ్యాణ్ – రానా ల కాంబినేషన్ లో సూర్యదేవర నాగవంశీ సితార ఎంటర్ టైన్మెంట్స్ పతాకంపై ప్రొడక్షన్ నం:12 గా ఈ చిత్రం తెరకెక్కుతుంది. యువ దర్శకుడు సాగర్.కె.చంద్ర దర్శకత్వం వహిస్తున్న ఈ చిత్రానికి పి.డి.వి. ప్రసాద్ సమర్పకులు కాగా , త్రివిక్రమ్ మాటలు అందిస్తుండడం విశేషం.
మళయాలంలో సూపర్ హిట్ అనిపించుకున్న అయ్యప్పనుమ్ కోషియం సినిమాకి రీమేక్ గా ఈ సినిమా తెరకెక్కుతుందని అంత చెపుతున్నారు. ఈ మేరకు చిత్రబృందం ఎలాంటి ప్రకటన చేయకపోయినప్పటికీ సోషల్ మీడియాలో ఈ విషయమై వార్తలు వస్తూనే ఉన్నాయి. ఐతే ఇద్దరు క్రేజీ హీరోలు నటిస్తున్న ఈ చిత్రానికి ఏ టైటిల్ పెట్టబోతున్నారనేది ఆసక్తికరంగా మారగా.. తాజా సమాచారం ప్రకారం పవన్ కళ్యాణ్, రానా దగ్గుబాటి నటిస్తున్న సినిమాకి బిల్లా రంగా అనే టైటిల్ ని పరిశీలిస్తున్నారట. పవర్ స్టార్ బిల్లాగా, రానా రంగా గా కనిపించబోతున్నారని అంటున్నారు. 1982లో బిల్లారంగా పేరుతో చిరంజీవి, మోహాన్ బాబు కాంబినేషన్లో సినిమా తెరకెక్కింది. అదే టైటిల్ ని ఇప్పుడు వాడుకోవాలని , ఈ కథకు అదే కరెక్ట్ అని చిత్ర యూనిట్ భావిస్తున్నట్లు అంటున్నారు. మరి ఫైనల్ గా ఈ టైటిల్ నే ఫిక్స్ చేస్తారా లేక చేంజ్ చేస్తారా అనేది చూడాలి.