“కెజిఎఫ్ చాఫ్టర్ 1″మూవీ కి సీక్వెల్ “కెజిఎఫ్ చాప్టర్2 “మూవీ రూపొందుతున్న విషయం తెలిసిందే. హీరో యశ్ , శ్రీనిధి శెట్టి లతో పాటు బాలీవుడ్ స్టార్ హీరో సంజయ్ దత్ , రవీనా టాండన్ కీలక పాత్రలలో నటిస్తున్నారు. హోంబలే ఫిల్మ్స్ బ్యానర్ పై భారీ బడ్జెట్ తో తెరకెక్కుతుంది. కరోనా లాక్‌డౌన్ కారణంగా అన్ని సినిమాల షూటింగ్స్ ఆగిపోవడంతో షూటింగ్ ఆలస్యం అయింది. లేదంటే అక్టోబర్‌లోనే ఈ సినిమాని విడుదల చేయాలని మొదట ఈ చిత్ర యూనిట్ యోచించింది. లాక్ డౌన్ అనంతరం షూటింగ్ లకు అనుమతులు రావడం తో షూటింగ్ పున : ప్రారంభించిన చిత్ర యూనిట్ చకచకా మిగిలి ఉన్న సన్నివేశాలను పూర్తీ చేసే పనిలో ఉంది.
ఈ చిత్రానికి సంబంధించి మాసివ్ అప్డేట్ డిసెంబ‌ర్ 21న రానుంద‌ని చిత్ర ద‌ర్శ‌కుడు ప్ర‌శాంత్ నీల్ త‌న ట్విట్ట‌ర్ ద్వారా తెలియ‌జేశారు. ఉద‌యం 10.08ని.లకు ఈ అప్డేట్ రానున్న‌ట్టు తెలిపారు. ఇన్నాళ్లు ఎంతో ఓపిక‌గా ఉన్న ప్రేక్ష‌కుల‌కి కృత‌జ్ఞ‌త‌లు తెలియ‌జేసిన ప్ర‌శాంత్ నీల్ డిసెంబ‌ర్ 21 మీ అంద‌రికి చాలా స్పెష‌ల్ కానుంద‌ని తెలియ‌జేశాడు. మరి ఆ అప్డేట్ ఏంటి అనేది చూడాలి.