2012 లో లైఫ్ ఈజ్ బ్యూటీఫుల్ చిత్రంతో తెలుగు ఇండస్ట్రీ కి పరిచమైన అభిజీత్..మొదటి సినిమాతోనే యూత్ కు బాగా దగ్గరయ్యారు. ఆ తర్వాత మిర్చి లాంటి కుర్రాడు, రామ్ లీలా వంటి సినిమాల్లో నటించినప్పటికీ పెద్దగా ఆకట్టుకోలేకపోయాడు. ఆ తర్వాత సినిమాలు ఛాన్స్ లు రాకపోయేసరికి ఇండస్ట్రీ కి దూరమయ్యాడు. తాజాగా బిగ్ బాస్ 4 తో విపరీతమైన క్రేజ్ సొంతం చేసుకోవడమే కాదు బిగ్ బాస్ విన్నర్ కూడా ఇతడే అవుతాడని ప్రేక్షకులు నమ్ముతున్నారు.
బిగ్ బాస్ షో రేపటి తో పూర్తి అవుతుంది. మరి ప్రస్తుతం ఫైనల్ లిస్ట్ లో ఐదుగురు సభ్యులు ఉండగా..టైటిల్ విన్నర్ ఎవరు అవుతారనేది చూడాలి. ఇదిలా ఉంటె.. అభిజీత్ తో ఆహా ఖతర్నాక్ షో ప్లాన్ చేసిందట. అదే సమంత సామ్ జామ్. బిగ్ బాస్ నుండి బయటకొచ్చిన సభ్యుల పాపులారిటీని మీడియా చానెల్స్ తో పాటు యూట్యూబ్ చానెల్స్ బాగా వాడుకుంటాయి. వారితో ఇంటర్వ్యూ లు చేస్తూ నానా హంగామా చేస్తుంటాయి.
అందుకే బిగ్ బాస్ ఫేమ్ అభిజీత్‌తో స్పెషల్ ప్రోగ్రామ్ ప్లాన్ చేసిందట ‘ఆహా’ ఓటీటీ వేదిక. ఈ ప్లాట్‌ఫామ్‌పై ప్రసారమయ్యే ‘సామ్ జామ్’ ప్రోగ్రామ్ కోసం అభిజీత్‌ని ప్రత్యేకంగా ఆహ్వానించారట. సమంత హోస్ట్ చేస్తున్న ‘సామ్ జామ్’ ప్రోగ్రామ్ ప్రేక్షకులను విశేషంగా ఆకట్టుకున్న సంగతి తెలిసిందే. ”నాతో ఎంజాయ్‌మెంట్ మామూలుగా ఉండదు” అంటూ సెలబ్రిటీలను ఇంటర్వ్యూ చేస్తూ ప్రేక్షకులను అలరిస్తోంది సమంత. ఈ నేపథ్యంలోనే బిగ్ బాస్ ఫినిష్ కాగానే సమంతతో అభిజీత్ ఇంటర్వ్యూ కోసం అన్నీ సిద్ధం చేశారట. భారీగా ఫన్ క్రియేట్ చేస్తూనే ఆయనకు సంబంధించిన అన్ని వ్యక్తిగత అంశాలు ప్రేక్షకులకు తెలిసేలా ప్లాన్ రెడీ చేశారట. మరి ఆ ఎంజాయ్‌మెంట్ ఎలా ఉంటుందో చూడాలి.