గత మూడు నెలలుగా బుల్లితెర ప్రేక్షకులను అలరిస్తూ వస్తున్న వరల్డ్ బిగ్గెస్ట్ షో బిగ్ బాస్ సీజన్ 4 రేపటితో ముగుస్తుంది. ఈ నేపథ్యంలో బిగ్ బాస్ యాజమాన్యం ఫైనల్ డే రోజున మరింత ఎంటర్టైన్మెంట్ ఇచ్చేందుకు ప్లాన్ చేసారు. ఇప్పటికే మెగాస్టార్ చిరంజీవి చీఫ్ గెస్ట్‌గా హాజ‌రు అవుతార‌ని ప్రచారం అవుతుండగా.. మెహ‌రీన్‌, లావ‌ణ్య త్రిపాఠి వంటి అందాల భామ‌లు ఈ స్టేజ్ పై త‌మ డ్యాన్స్‌తో అదరగొట్టబోతున్నారట.
అంతే కాదు ఈ ఫినాలేకు నాగ్ పెద్ద కొడుకు నాగ చైతన్య త‌న తాజా చిత్రం లవ్ స్టోరీ సినిమా ప్ర‌మోష‌న్‌లో భాగంగా బిగ్ బాస్ స్టేజ్‌పైకి రానున్న‌ట్టు స‌మాచారం. సాయి ప‌ల్ల‌వితో క‌లిసి చైతూ సందడి చేయబోతున్నాడని అంటున్నారు. ద‌స‌రా స్పెష‌ల్ ఎపిసోడ్ రోజు నాగార్జున చిన్నబ్బాయి అఖిల్ బిగ్ బాస్ స్టేజ్‌పై నుండి త‌న తాజా చిత్రం మోస్ట్ ఎలిజిబుల్ బ్యాచిల‌ర్ ప్ర‌మోష‌న్ చేసిన సంగతి తెలిసిందే. మరి అన్న ఏమాత్రం సందడి చేస్తాడో చూడాలి.