చైల్డ్ ఆర్టిస్ట్ గా ఇండస్ట్రీ లో అడుగుపెట్టిన అలీ..ఆ తర్వాత తెలుగు లో టాప్ కమెడియన్ లలో ఒకరిగా పేరు పొందాడు. కమెడియన్ గా , హీరోగా , యాంకర్ గా ఇలా తనలోని టాలెంట్ లను బయటకు తీసిన ఈయన..ఇప్పుడు నిర్మాతగా మారాడు. అలీవుడ్ ఎంటర్టైన్‌మెంట్స్ బ్యానర్‌పై ‘అందరూ బాగుండాలి అందులో నేనుండాలి’ అనే సినిమాను నిర్మిస్తున్నారు.
శ్రీపురం కిరణ్ డైరెక్ట్ చేస్తున్న ఈ సినిమాలో ఆలీ, నరేష్ కీలక పాత్రల్లో నటిస్తున్నారు. ఈ సినిమా షూటింగ్ అన్నపూర్ణ స్టుడియో‌లో బుధవారం లాంఛనంగా ప్రారంభమైంది. ఈ కార్యక్రమంలో తెలంగాణ మంత్రి తలసాని శ్రీనివాస్ యాదవ్, సినీ ప్రముఖులు ఎస్వీ కృష్ణారెడ్డి, అచ్చి రెడ్డి, బోయపాటి శ్రీను, బాబీ, జీవిత రాజ‌శేఖ‌ర్, త‌నికెళ్ల భ‌ర‌ణి, హేమ తదితరులు పాల్గొన్నారు. తొలి సన్నివేశానికి ఎస్వీ కృష్ణారెడ్డి, అచ్చిరెడ్డి క్లాప్ కొట్టగా ఎస్.గోపాల్ రెడ్డి కెమెరా స్విచ్ ఆన్ చేశారు. దర్శకుడు బోయపాటి శ్రీను, బాబీ గౌరవ దర్శకత్వం వహించారు.