మెగాస్టార్ చిరంజీవి మేనల్లుడు, సుప్రీం హీరో సాయి ధరమ్ తేజ్ తమ్ముడు పంజా వైష్ణవ్ తేజ్ హీరోగా పరిచయం అవుతున్న చిత్రం ‘ఉప్పెన’. క్రియేటివ్ డైరెక్టర్ సుకుమార్ శిష్యుడు బుచ్చిబాబు దర్శకుడిగా పరిచమవుతుండగా.. మైత్రీ మూవీ మేకర్స్ సంస్థతో కలిసి సుకుమార్ కూడా నిర్మాణంలో పాలు పంచుకుంటున్నాడు. అలాగే ఈ సినిమా తో కృతి శెట్టి హీరోయిన్ గా ఇండస్ట్రీ లో అడుగుపెడుతుంది.
ఈ సినిమా నుంచి ఇప్పటికే విడుదలైన పాటలు మంచి టాక్‌ను సంపాదించుకున్నాయి. ఈ సినిమా నుండి రిలీజైన నీ కన్ను నీలి సముద్రం అనే పాట సరికొత్త రికార్డుని కూడా క్రియేట్ చేసింది. దేవిశ్రీ ప్రసాద్ సంగీతం అందించిన ఈ పాటకి యూట్యూబ్ లో 150 మిలియన్ల వ్యూస్ వచ్చాయి. ఇది ఇలా ఉండగా…ఇప్పుడు ఈ చిత్రం ఓటిటిలో రిలీజ్ అయ్యేందుకు సిద్దమైనట్లు తెలుస్తుంది.
గత కొన్ని నెలలుగా లాక్ డౌన్ కారణంగా థియేటర్స్ మూతపడడం తో చాల చిత్రాలు ఓటిటి లలో రిలీజ్ అవుతూ వస్తున్నాయి. ప్రస్తుతం థియేటర్స్ ఓపెన్ అయినప్పటికీ ప్రేక్షకుల నుండి పెద్దగా స్పందన రాకపోవడం తో మరికొన్ని సినిమాలు సైతం ఓటిటి బాట పడుతున్నాయి. అందులో ఉప్పెన కూడా ఒకటి. దాదాపు రూ. 18 కోట్ల బడ్జెట్‌తో నిర్మించిన ఈ సినిమాని నెట్‌ఫ్లిక్స్‌లో రిలీజ్ చేయాలని ఒప్పందం కుదుర్చుకున్నారు. విడుదల తేదీపై త్వరలో ప్రకటన రానుందని అంటున్నారు. గత కొన్ని రోజులుగా థియేటర్స్ ఓపెన్ అవుతే ఈ సినిమాను థియేటర్స్ లలో రిలీజ్ చేయాలనీ మేకర్స్ ప్లాన్ చేసినప్పటికీ అది వర్క్ అవుట్ కాకపోవడం తో చివరికి ఓటిటీనే నమ్ముకున్నారు.