సూపర్ స్టార్ మహేష్ బాబు – మాటల మాంత్రికుడు త్రివిక్రమ్ కలయికలో వచ్చిన అతడు సినిమా ఎంత పెద్ద హిట్ అయ్యిందో తెలియంది కాదు. కాకపోతే వెండితెరపై పెద్దగా హిట్ అనిపించుకోలేకపోయిన బుల్లితెర ఫై మాత్రం సూపర్ హిట్ అనిపించుకుంది. ఇప్పటికి ఈ సినిమా టీవీ లలో ప్రసారమైతే ప్రేక్షకులు టీవీలకు హత్తుకుపోతారు. అలాగే వీరిద్దరి కాంబో లో వచ్చిన రెండో చిత్రం ఖలేజా సైతం అంతే. వెండితెరపై కమర్షియల్ విజయం సాధించకపోయినా బుల్లితెర ఫై ఆకట్టుకుంది. అయినప్పటికీ వీరిద్దరి కాంబో సినిమా కోసం అభిమానులు ఎదురుచూస్తున్నారు.
గతంలో వీరిద్దరి కాంబో లో సినిమా వస్తుందంటూ పెద్ద ఎత్తున ప్రచారమైనప్పటికీ అది సెట్ కాలేదు. రీసెంట్ గా మహేష్ స్వయంగా త్రివిక్రమ్ తో సినిమా ఉంటుందని చెప్పగానే ఆ మూవీ కోసం అంత ఎదురుచూస్తున్నారు. ప్రస్తుతం అందుతున్న సమాచారం మేరకు వీరిద్దరి కాంబో మూవీ 2022 లో వస్తుందని తెలుస్తుంది. ఎందుకంటే అప్పటికి వరకు వీరిద్దరూ ఖాళీగా లేరు. ప్రస్తుతం మహేష్ సర్కారు వారి పాట సినిమా చేస్తుండగా..త్రివిక్రమ్ ఎన్టీఆర్ తో సినిమా చేయబోతున్నాడు. వీరిద్దరి సినిమాలు 2021 లో పూర్తి అయితే కాబట్టి , 2022 లో సినిమా ఉంచొచ్చు.