బాహుబలి చిత్రం తో దేశ వ్యాప్తంగా క్రేజ్ తెచ్చుకున్న యంగ్ రెబెల్ స్టార్ ప్రభాస్..ఆ తర్వాత వరుస పాన్ మూవీస్ లలో నటిస్తూ అలరిస్తున్నాడు. ప్రస్తుతం రాధే శ్యామ్ మూవీలో నటిస్తున్నాడు. ఈ మూవీ సెట్స్ ఫై ఉండగానే మరో రెండు పాన్ మూవీస్ లకు గ్రీన్ సిగ్నల్ ఇచ్చి అభిమానుల్లో సంబరాలు నింపాడు. ఇప్పుడు కెజిఎఫ్ చిత్రంతో దేశ వ్యాప్తంగా క్రేజ్ సొంతం చేసుకున్న ప్రశాంత్ నీల్ డైరెక్షన్లో సలార్ మూవీ చేస్తున్నట్లు అధికారిక ప్రకటన చేసారు.
ప్రస్తుతం ప్రశాంత్ కెజిఎఫ్ 2 చిత్రీకరణ లో బిజీ గా ఉన్నాడు. ఇది పూర్తి కాగానే సలార్ ను సెట్స్ పైకి దించబోతున్నాడు. అయితే ఈ మూవీ లో మాలీవుడ్ మెగాస్టార్ మోహన్ లాల్ నటించబోతున్నాడనే వార్త సోషల్ మీడియా లో చక్కర్లు కొడుతుంది. ప్రభాస్ పాత్రకు ధీటుగా మెగాస్టార్ మోహన్ లాల్ పాత్రని కూడా ప్రశాంత్ నీల్ డిజైన్‌ చేశాడనే వార్తలు సోషల్ మీడియాలో వినిపిస్తున్నాయి. ఈ విషయమై మోహన్ లాల్ ను దర్శకుడు ప్రశాంత్ నీల్ సమావేశం అయినట్లు కూడా వినిపిస్తోంది. మోహన్ లాల్ మలయాళంతో పాటు తెలుగు, తమిళ, కన్నడ, హిందీ భాషల్లో నటించారు. ఈ సినిమాలో మోహన్ లాల్ నటిస్తే.. సలార్ మూవీకి మరింత క్రేజ్ రావడం ఖాయం. హోంబలే ఫిలింస్‌ నిర్మాణంలో సలార్ మూవీ పాన్ ఇండియా మూవీ గా తెరకెక్కబోతుంది.