పవర్ స్టార్ పవన్ కళ్యాణ్ ఈ పేరు వింటే అభిమానులకు పూనకాలే..హిట్ , ప్లాప్ లతో సంబంధం లేకుండా పవన్ నుండి సినిమా వస్తుందంటే బాక్స్ ఆఫీస్ దగ్గర కాసుల వర్షమే. అందుకే పవన్ తో సినిమా చేసేందుకు అగ్ర నిర్మాతల నుండి చిన్న నిర్మాతల వరకు పోటీపడుతుంటారు. ప్రస్తుతం మూడేళ్ల గ్యాప్ తర్వాత పవన్ వకీల్ సాబ్ చిత్రం తో ప్రేక్షకుల ముందుకు రాబోతున్నాడు. ఈ సినిమా షూటింగ్ చివరి దశకు వచ్చేసింది. వేణు శ్రీరామ్ దర్శకత్వంలో దిల్ రాజు, బోనీకపూర్‌ సంయుక్తంగా ఈ సినిమాను నిర్మిస్తున్నారు. 2021 సమ్మర్ లో విడుదల చేయడానికి సన్నాహాలు చేస్తున్నారు.
ఈ సినిమా కోసం అభిమానులు ఎంతగానో ఎదురు చూస్తున్నారో ఇప్పుడు మరోసారి రుజువైంది. 2020లో మోస్ట్ ట్వీటెడ్ సినిమాగా వకీల్‌సాబ్‌ రికార్డు సృష్టించింది. సోషల్ మీడియాలో అందరికంటే ఎక్కువగా పవన్ సినిమా కోసం అభిమానులు వేచి చేయడం.. ట్వీట్ చేయడం.. రీట్వీట్ ఇలా సినిమాకు సంబందించిన ఏ చిన్న విషయాన్నైనా సోషల్ మీడియాలో ట్రెండింగ్ చేశారు. అంతే కాదు వకీల్ సాబ్ ఫస్ట్‌లుక్‌ విడుదల అయినప్పుడు సోషల్ మీడియా అంతా షేక్ అయిపోయింది. 24 గంటల్లో ట్విట్టర్ లో హైయెస్ట్ రీ ట్వీట్స్ సాధించిన సినిమాగా చరిత్రను తిరగ రాసింది. ఇప్పుడు ఇదే ట్విట్టర్లో 2020 అత్యధిక ట్వీట్స్ వచ్చిన సినిమాగా పవన్ కళ్యాణ్ సరికొత్త చరిత్రకు నాంది పలికాడు. మరి సినిమా రిలీజ్ అయ్యాక ఇంకెన్ని రికార్డ్స్ బ్రేక్ చేస్తుందో చూడాలి.