మహేష్ బాబు గారాల పట్టి సితార అంటే అభిమానులే కాదు సినీ స్టార్స్ సైతం ఎంతో ఇష్టపడతారు. సోషల్ మీడియా లో నిత్యం యాక్టివ్ గా ఉండే సితార..ఎప్పటికప్పుడు తనకు సంబందించిన ఫోటో షూట్స్ తో పాటు వీడియోస్ ను షేర్ చేస్తుంటుంది. ఇకపోతే నిజజీవితంలో పెద్ద, చిన్న అందరితో కలుపుగోలుగా ఉండటం సితార నైజం. అందుకే చాలామంది సెలబ్రిటీలు ఆమెను ఇష్టపడుతుంటారు. ఈ క్రమంలోనే సితారపై ఉన్న ప్రేమను చాటుతూ ఆమెకు ఓ స్పెషల్ గిఫ్ట్ ఇచ్చి సర్‌ప్రైజ్ చేసింది ఆర్ఆర్ఆర్ హీరోయిన్ ఆలియా భట్.
2018 సంవత్సరంలో ‘మ‌హ‌ర్షి’ షూటింగ్ నిమిత్తం మహేష్ బాబు తన ఫ్యామిలీతో న్యూయార్క్ వెళ్లారు. అదే స‌మ‌యంలో అలియా భట్ మూవీ షూటింగ్ కూడా అక్క‌డే జరుగుతుండటంతో ఆలియా, సితార మీట్ అయ్యారు. మొదటి పరిచయంలోనే చాలా క్లోజ్ అయ్యారు. అప్పటి నుండి నిత్యం వీరిద్దరూ టచ్ లో ఉంటున్నారు. తాజాగా ఆర్ఆర్ఆర్ షూటింగ్ కోసం హైదరాబాద్ వచ్చిన అలియా..సితార ను కలిసి ప్రత్యేక గిఫ్ట్ ను అందజేసింది. తన సొంత బ్రాండ్ దుస్తులు సితార కోసం ప్రత్యేకంగా తెచ్చి ఇచ్చిన ఆలియా.. కాసేపు ఆ చిన్నారితో సరదాగా గడిపింది. అయితే ఆ డ్రెస్ వేసుకొని మురిసిపోయిన సితార, తన సోషల్ మీడియా ఖాతా ద్వారా ఈ విషయాన్ని తెలిపింది. ప్రస్తుతం ఈ వీడియో సోషల్ మీడియా లో చక్కర్లు కొడుతుంది.