మహానటి ఫేమ్ కీర్తి సురేష్..డైరెక్టర్ ను పరుగెత్తించుకుంటూ కొట్టడం ఇప్పుడు సోషల్ మీడియా లో వైరల్ గా మారింది. ఇదిదో సీరియస్ కొట్టింది కాదు కామెడీగా కొట్టింది. యూత్ స్టార్ నితిన్, ‘మహానటి’ కీర్తి సురేష్ జంటగా నటిస్తోన్న రొమాంటిక్ ఫ్యామిలీ డ్రామా ‘రంగ్ దే’. వెంకీ అట్లూరి దర్శకత్వం వహిస్తుండగా..పి.డి.వి. ప్రసాద్ సమర్పణలో సితార ఎంటర్‌టైన్మెంట్స్ బ్యానర్‌పై సూర్యదేవర నాగవంశీ ఈ సినిమాను నిర్మిస్తున్నారు. సుప్రసిద్ధ ఛాయాగ్రాహకుడు పి.సి.శ్రీరామ్ ఈ చిత్రానికి ఛాయాగ్రహణం వహిస్తున్నారు.
సీనియర్ నటుడు నరేష్, వినీత్, రోహిణి, కౌసల్య, బ్రహ్మాజీ, వెన్నెల కిషోర్, సత్యం రాజేష్, అభినవ్ గోమటం, సుహాస్, గాయత్రి రఘురామ్ తదితరులు నటిస్తున్నారు. ప్రస్తుతం చిత్ర యూనిట్ సినిమాలోని కొన్ని కీలక సన్నివేశాలను దుబాయ్ లో చేస్తున్నారు. లొకేషన్లో జరుగుతున్న సరదా సంఘటనలను సోషల్ మీడియా లో షేర్ చేస్తూ అందరినీ అలరిస్తున్నారు. కొద్దిరోజుల క్రితం షూటింగ్ లొకేషన్లో కీర్తి సురేష్ నిద్రపోతుండగా.. నితిన్, వెంకీ ఫోటోలు తీసి సోషల్‌మీడియాలో పోస్ట్ చేశారు. షూటింగ్ సెట్‌లో మేమంతా చెమటలు పట్టేలా కష్టపడుతుంటే కీర్తి మాత్రం ఎలా నిద్రపోతుందో చూడండి అంటూ నితిన్ చేసిన పోస్ట్ తెగ వైరల్ అయింది. ఇక ఇప్పుడు డైరెక్టర్ వెంకీ ని కీర్తి పరుగెత్తించుకుంటూ కొడుతున్న వీడియో ను పోస్ట్ చేయగా ఇది వైరల్ గా మారింది. View this post on Instagram
A post shared by Keerthy Suresh (@keerthysureshofficial)