హిట్ కోసం వేయికళ్లతో ఎదురుచూస్తున్న అక్కినేని అఖిల్..ప్రస్తుతం ఆశలన్నీ బొమ్మరిల్లు భాస్కర్ డైరెక్షన్లో చేస్తున్న ‘మోస్ట్‌ ఎలిజిబుల్‌ బ్యాచ్‌లర్‌’ చిత్రంపైనే పెట్టుకున్నాడు. అల్లు అరవింద్‌ సమర్పణలో జీఏపిక్చర్స్‌ బ్యానర్‌పై బన్నీవాస్‌, వాసువర్మ ఈ చిత్రాన్ని నిర్మిస్తున్నారు.
ఈ సినిమాలో పూజా హెగ్డే హీరోయిన్‌గా నటిస్తోంది. ప్రస్తుతం ఈ చిత్ర షూటింగ్ తుది దశకు చేరుకోగా.. ఈ సినిమాలో పూజాతో పాటు మరో హీరోయిన్‌ కూడా ఈ సినిమాలో నటిస్తున్నట్లు తెలుస్తుంది.పూరీ జగన్నాథ్‌ దర్శక నిర్మాణంలో ఆకాశ్‌ పూరి హీరోగా చేసిన ‘మెహబూబా’ చిత్రంలో హీరోయిన్‌గా నటించిన నేహా శెట్టి ఈ మూవీ లో నటిస్తుందట. మరి ఈ మూవీ ఆమెకు ఎంత బ్రేక్ ఇస్తుందో చూడాలి. సంక్రాంతి బరిలో ఈ మూవీ ప్రేక్షకుల ముందుకు రానుంది.